"Таза Қазақстан" асындағы мониторинг

«Таза Қазақстан» бағдарламасы аясында Ақтөбе облысының қоғамдық кеңес мүшелері а.ж. 27 тамызында  жоспарлы түрде  экомониторинг жүргізіп, Тұңғыш Президент атындағы, А.Пушкин атындағы, Астана, Батыс-2 ықшам ауданындағы  саябақтарға қоғамдық бақылауға шықты. Мониторинг барысында саябақтардың жағдайы сын көтермейтіндігі байқалды. Жұмыс барысында кемшіліктер: "Шалқар Бастау» мекемесі субұрқақтарды қайта қалпына келтіру жұмыстарын жүргізу үстінде, бірақ ашық тұрған кейбір жерлер тұрғындарға қауіпті жағдайда екендігі анықталған. Кейбір субұрқақтар сырты профлистпен қоршап, қараусыз қалған. Саябақтарда  отырғыштар сынып, боялмаған, түсі  оңып кеткен. Батыс-2 ықшам ауданында жасыл желектер мен гүлдер, ағаштар қараусыз қалып суарылмағаны нақтыланды. Күзетшілер отыратын күрке іші толған қоқыс, есік-терезелері ашық күйінде қараусыз қалғаны байқалады. Жарықтандыру жүйесінде кейбір шамдар жоқ, кейбірі жанып кеткен, ауыстырылмаған. Екі трансформатордың жерде кабелі жатыр, сырты қоршалмаған. Бұл ұсыныстарды Қоғамдық кеңес мүшелері құзырлы органдарға ұсыным ретінде береді

Фото

Previous Next