Кәсіби бағдарлау мамандықтар алуандығында адаспауға көмектеседі

Н.А.Нәбиевтің төрағалығымен облыстық қоғамдық кеңестің төралқасында Павлодар облысының жастарын, мүгедектер мен ерекше балалар санатын қоса алғанда, кәсіби бағдарлау, жұмысқа орналастыру және кәсіби өсуі мәселелері қаралды. Отырысқа білім беру, жұмыспен қамтуды үйлестіру және әлеуметтік бағдарламалар, еңбек басқармаларының басшылары, қалалар мен аудандар әкімдерінің орынбасарлары, алюминий, электролиз, мұнай-химия зауыттарының, «Казэнергокабель», «Гофротара» ЖШС-нің, Павлодар облысының Қазақстан халқы Ассамблеясы Аналар кеңесінің өкілдері қатысты. Облыстық қоғамдық кеңестің жастарды қолдау және спортты дамыту жөніндегі комиссиясының мүшесі Олег Николашин талқылауға талдамалық ақпарат пен «Павлодар облысында мамандандырылған кәсіптік бағдарлау бойынша Mамандық.PVL.KZ» жобасын ұсынды. Облыстың білім беру басқармасы басшысының орынбасары Г.Баширова білім беру саласында жүргізіліп жатқан кәсіби бағдарлау жұмыстары туралы хабарлады, «Павлодар мұнай-химия зауыты» ЖШС-нің кадрларды даярлау және дамыту бөлімінің бастығы Ю.Халева кәсіпорнында кадрларды іріктеу бойынша жүргізіліп жатқан жұмыстар жайлы ақпаратпен бөлісті. Қоғамдық кеңестің мүшелері В.Берковский, Е.Жанғазы, Г.Науразбаева өз пікірлерін білдіріп, ұсыныстарын енгізді. Өткізілген отырыс қорытындысы бойынша өңірдегі тапшы мамандықтар бойынша кәсіби бағдарлау жұмысын және жұмысқа орналастыру мәселесін тұрақты бақылауға алып, облыс басшылығына өңірдегі кәсіптік бағдар беру жұмыстары бойынша пилоттық жобаны жолдау туралы шешім қабылданды.

Фото

Previous Next