Қазкеңес жаңалықтары
KazKENES жаңалықтарыЕлорданың қоғамдық кеңесінің мүшелері әлеуметтік медициналық сақтандырудың өзекті мәселелерін қоғамдық тыңдауда талқылады
Қоғамдық денсаулық сақтау басқармасының басшысы тыңдаудың қатысушыларына қазіргі уақытта тіркелмеген азаматтардың әлеуметтік мәртебесін анықтау бойынша жұмыстар жалғасып жатқанын, олардың саны 350 мыңға жуық екенін хабарлады. Берешекті төмендету бойынша шаралар қабылдануда. Жергілікті бюджет есебінен медициналық ұйымдардың күрделі шығыстары жабылады. Ағымдағы жылы 4 нысанды күрделі жөндеу және №2 Көпбейінді қалалық аурухананы күрделі жөндеумен қабылдау бөлмесі кеңейтіле отырып қайта жаңарту жоспарлануда.
Әлия Рүстемованың айтуынша, халыққа көзделгеннен екі есе көп қызмет көрсететін емханалар ауыр жүк көтереді. Бұл мәселені шешу үшін алдағы 3 жылда 13 денсаулық сақтау нысанын, оның ішінде 2 перинаталдық орталық, 4 жаңа заманауи көпсалалы аурухана және 5 жеке емхана салу жоспарлануда.
Әлеуметтік медициналық сақтандыру қоры Астана қаласы бойынша филиалының директоры Гүлжан Шайхыбекова өз баяндамасында 2024 жылға қарай елорда бойынша денсаулық сақтауды қаржыландыру 2,5 есеге өскенін атап өтті.
Мәселені дайындау аясында Қоғамдық кеңес мүшелері қаланың медициналық ұйымдарында стационарлар мен емханаларға барып қоғамдық мониторинг жүргізді. Сапар барысында, содан кейін қоғамдық тыңдауда талқылау барысында: «Меншік нысанына қарамастан медициналық ұйымдарды міндетті медициналық сақтандыру қорынан қаржыландыру. Мәселелер мен шешу жолдары. Қала тұрғындарын міндетті әлеуметтік және медициналық сақтандырумен қамту, мәселелер мен шешу жолдары» Қоғамдық кеңес мүшелері қордаланған бірқатар түйткілді мәселелерді атап өтті.
Негізгі проблемалардың бірі – медициналық мекемелерді қаржыландырудың жеткіліксіздігі. 2024 жылы қаржыландыру берілген өтінімдердің 50%-дан азын құрады, бұл кредиторлық берешектің жинақталуына әкелді.
Халықтың өсуі мен жаңа тұрғындардың келуіне байланысты медициналық мекемелерге жүктеме айтарлықтай артады, бұл қосымша күрделі шығындарды талап етеді. Күрделі шығыстарды қаржыландырудың және медициналық техниканы сатып алудың жетіспеушілігі жабдықтар мен көлік құралдарының тозуына әкеледі. Мамандандырылған көліктің тозуының жоғары деңгейі 73% құрайды, пайдалану шығындарын арттырады және пациенттер үшін қауіп тудырады.
Төмен жалақыға, мотивациялық төлемдердің болмауына байланысты дәрігер кадрлардың, орта медициналық персонал мамандарының тапшылығы қалып отыр.
Сақтандырылмаған адамдардың айтарлықтай өсуі де күрделі мәселе болып табылады және көптеген қала тұрғындары үшін медициналық көмекке қол жеткізуді қиындатады, бұл денсаулық сақтау жүйесіне ауыртпалық түсіреді және халықтың шағымдарының өсуіне әкеледі.
Талқылау қорытындысы бойынша ұсынымдар қабылданды, онда қала әкімдігіне, Қоғамдық денсаулық сақтау басқармасына осы жұмысты жақсарту бойынша тиісті ұсынымдар берілді.