Қоғамдық кеңестің отырысы өтті

Матайбаева Сайра Әйтенқызы ашқан отырысқа қала әкімінің орынбасарлары, мемлекеттік мекемелердің басшылары қатысты.

Күн тәртібіне сай 4 мәселе қаралды. Олардың қатарында қаламыз бен Тайтөбе ауылы жолдарының жай-күйі, жөнделуі, құрылысы мен күтімі туралы мәселе де бар. Бөлім басшысы Әлкен Тойынбеков қала жолдарындағы жұмыстардың атқарылуы туралы баяндама жасады. Әлкен Тілеукенұлының айтуынша қазіргі күннің өзінде бірқатар көшелерге жөндеу жұмыстары жасалып үлгерген. Жолдардың тесілген жерлерін жамау, жөндеу жұмыстарына жапуапты «Элит Строй Комплект» ЖШС құны 90,7 млн.тг. қаржының жұмыстарын маусым-тамыз аралығында жасап бітуі тиіс.

Сондай-ақ «М-Олжа құрылыс» ЖШС конкурс нәтижесі Қосшы мен Тайтөбе жолдарын грейдерлеу жұмыстарын жүргізу құқығына ие. Ағымдағы жылы бұл жұмыстарға жиыны 100 млн.тг., Қосшыға – 75 млн.тг. және Тайтөбе ауылына 25 млн.тг. қарастырылған. Ал, «Қосшы қаласының қалаішілік жолдарын күрделі жөндеу» бағдарламасы бойынша бөлінген қаржыға көптеген көшелер енген. Олардың қатарында Уәлиханов, Азаттық, Алакөл, Желтоқсан және т.б. көшелер бар.

Отырыс аясында осы және өзге де мәселелер қарастырылып, баяндамашыларға кеңес мүшелері тарапынан сауалдар қойылды. Әр сұрақ қала тұрғындары үшін маңызға ие деуге болады. Қаланың гүлденіп, көркеюі үшін қоғам үнін жеткізетін Қоғамдық кеңес мүшелері жол мәселесін жіті қадағалауда ұстап келеді. Бөлінген әр тиынның сұрауы болғандықтан жолдарымыздың да сапалы, жайлы болуы тиіс.
#қосшы_қаласының_тұрғындары
#Қоғамдық_кеңес

Фото

Previous Next