30 тамыз Конституция күнімен құттықтау

Қымбатты қала тұрғындары, достар, әріптестер!

Баршаңызды ел тәуелсіздігі мен ұлттық бірліктің кепілі, әрбір азаматтың құқықтары мен бостандықтарын қорғаушы негізгі құжат – Конституция күнімен шын жүректен құттықтаймын!
Біз – Ата Заңымызда жазылғандай бейбітшілік пен тұрақтылықты сақтап, ұрпақтарымызға жарқын болашақ сыйлайтын құқықтық, демократиялы, әрі зайырлы мемлекет қалыптастырудамыз. Бұл – ата-бабаларымыздың сан ғасырдан бергі асыл арманы, игі мұраты. Осынау жолда шейіт болған Алаш арыстары да халқымыз үшін заң үстемдік ететін құқықтық мемлекет құруды көксеген еді.
Әрбір қазақстандық үшін бұл мереке ерекше маңызға ие. Өйткені бәріміз бірге осы заңдарға негізделген әділ, өркендеген қоғамды құру жолында еңбек етіп келеміз. Конституциямызда жазылғандай ұлттық құндылықтарды сақтау арқылы дәстүрге берік, тарихынан тағылым ала білетін қуатты ел боламыз. Ол үшін Ата Заңымыздың айбыны артып, мәртебесі биіктей берсін.
Баршаңызға мықты денсаулық, отбасыларыңызға бақ-береке, ел мүддесі жолындағы істеріңізге сәттілік тілеймін. Конституция күні – Отанымызға тыныштық пен тұрақтылық, әр шаңыраққа жақсылық тілеймін!

Құрметпен,
Қосшы қаласы Қоғамдық кеңесінің төрағасы
Матайбаева Сайра Әйтенқызы 

Фото

Previous Next