Ақтөбе қалалық мәслихатының экономика, бюджет және қаржы бойынша тұрақты комиссия отырысы өтті

Комиссия отырысына қалалық мәслихат депутаттары, Қоғамдық кеңестің мүшелері, аудан әкімдіктерінің орынбасарлары, мемлекеттік мекеме басшылары қатысты.

Күн тәртібінде бюджетті нақтылау, депутаттық сауалдар, қаладағы жергілікті өзін-өзі басқарудың аумақтық кеңестерінің құрамына өзгерістер енгізу сұрақтары қарастырылды.

«Қалалар мен елді мекендерді абаттандыруды дамыту» бағдарламасы бойынша ауланы кешенді абаттандыруға қосымша 944 млн. теңге қарастырылды. Жалпы 50 ауланы кешенді абаттандыру үшін бюджеттен 2,2 млрд.тг қарастырылып отыр.

Қала аумағында орналасқан Ақжар, Өрлеу тұрғын үй алаптарындағы аулаішілік жолдардың құрылысының жаңа жобасы бойынша мемлекеттік сатып алуға конкурс жариялауға 200 мың теңге қарастырылды.

«Парасат» тұрғын алабында электрмен жабдықтау желілерін салу – 1 млн теңге; Сарыбұлақ сорғы станциясы, Моисеев су қабылдағышының желілері бойынша жұмыстарға 2 млн.тг қарастырылды.

Фото

Previous Next