Қоғамдық көлік мониторингі

Ақтөбе қалалық мәслихатының индустриялық даму, инфрақұрылым және тұрғын үй-коммуналдық мәселелер бойынша тұрақты комиссиясының шеңберінде мәслихат төрағасы Анар Даржанова, депутаттар Абай Сақтағанов, Жанна Умарова, Амантай Үмбетай, Нұржамал Кулекенова, Нарқозы Қартжан, Алмас Елеуов және Қоғамдық кеңес мүшелері Ерәділ Уббиниязов, Даурен Тауасаров, Алтынбек Мақашев, Дамир Инербай қоғамдық көлік қызметінің сапасын тексерді.

Жалпы, қаламызда 5 тасымалдаушы кәсіпорын 46 бағытта қызмет көрсетеді: QalaTrans, Автопарк, АқжайықАвтопарк, Қызмет-Ақтөбе (Табыс), RTT Group. Күнделікті желіге 278 жуық автобус шығады.
Кәсіпорындардың жоспарларына сәйкес жыл аяғына дейін 65 жаңа автобус сатып алынады (Автопарк – 50 бірлік, QalaTrans – 15 «гармошка»).

Мониторинг барысында, бірқатар кемшіліктер анықталып, кәсіпорындар өкілдерінің назарына ұсыныстар айтылды. Дәлірек айтқанда, интервалын қадағалау, автобустар санын арттыру, тазалығына көңіл бөлу, тұрғындарға қажетті ақпараттарды орналастыру. Сонымен қатар, мүгедегі бар адамдарға бейімделген автобустарды сатып алу қажеттігі туралы ескертілді.

Фото

Previous Next