Қазкеңес жаңалықтары

Мақтаарал ауданының Қоғамдық кеңесінің кезекті отырысы өтті

Бүгін, 2024 жылғы 21 тамызы күні аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңес мүшелері, Мақтаарал ауданының кәсіпкерлік және ауыл шаруашылығы бөлімінің басшысы Әлімқұл Баязит, Мақтаарал ауданының жұмыспен қамту және әлеуметтік бағдарламалар бөлімі басшысының орынбасары Хаметов Дінмұхаммед, Мақтаарал ауданының жер қатынастары бөлімінің бас маманы Жамединов Айнабек және Мақтаарал ауданы әкімі аппаратының заң бөлімінің бас инспекторы Ешанқұлов Мұрат қатысты.

Күн тәртібіне келесі мәселелер енгізілді:

1.«Жергілікті жағдайларға және көрсетілген жерді пайдалану ерекшеліктеріне байланысты меншікке немесе жер пайдалануға берілетін ауыл шаруашылығы мақсатындағы жер учаскелерінің ең аз мөлшерін белгілеу туралы»

2.«Мақтаарал аудандық мәслихатының 2024 жылғы 24 сәуірдегі №15-105-VIII «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгерістер енгізу туралы» Мақтаарал аудандық мәслихаты шешімінің жобасы;

3.«Мақтаарал ауданының жұмыспен қамту және әлеуметтік бағдарламалар бөлімінің 2024 жылдың I-жартыжылдығында атқарған жұмыстары мен алда тұрған міндеттері туралы» Мақтаарал ауданының жұмыспен қамту және әлеуметтік бағдарламалар бөлімі басшысының есебі;

4.«Мақтаарал ауданының кәсіпкерлік және ауыл шаруашылығы бөлімі» мемлекеттік мекемесінің 2024 жылдың I-жартыжылдығында атқарған жұмыстары мен алда тұрған міндеттері туралы» Мақтаарал ауданының кәсіпкерлік және ауыл шаруашылығы бөлімі басшысының есебі;

5.«Мақтаарал ауданы әкімінің аппараты» мемлекеттік мекемесінің Ережесін жаңа редакцияда бекіту туралы» Мақтаарал ауданы әкімдігінің қаулы жобасы;

6.«Мақтаарал ауданының кенттер мен ауылдық округтері әкімі аппаратының Ережелерін жаңа редакцияда бекіту туралы» Мақтаарал ауданы әкімдігінің қаулы жобасы;

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото