Мақтаарал ауданының Қоғамдық кеңесінің кезекті отырысы өтті

Бүгін, 2024 жылдың 25 шілдесі күні аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының экономика және қаржы бөлімінің сектор меңгерушісі Абенов Шалхар, Мақтаарал ауданының құрылыс, сәулет және қала құрылысы бөлімінің басшысы Анарбеков Бижан, Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің сектор меңгерушісі Мамадәлі Сұлтанбек, Мақтаарал ауданының жер қатынастары бөлімінің бас маманы Жамединов Айнабек және Мақтаарал ауданы әкімі аппаратының заң бөлімінің бас маманы Талбединов Данияр қатысты.

Күн тәртібіне келесі мәселелер енгізілді:

1.«Мақтаарал аудадық мәслихатының 2023 жылғы 25 желтоқсандағы №10-65-VIII «2024-2026 жылдарға арналған аудандық бюджет туралы» шешіміне өзгерістер енгізу туралы» Мақтаарал аудандық мәслихатының шешім жобасы;

2.«Мақтаарал ауданының кенттер және ауылдық округтерінің жергілікті қоғамдастық жиналысының регламентін бекіту туралы» Мақтаарал аудандық мәслихатының шешім жобасы;

3.«Мақтаарал ауданында қоғамдық көліктердің сапасы мен халыққа қызмет көрсету тәртібі туралы» Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының есебі;

4.«Мақтаарал ауданының құрылыс, сәулет және қала құрылысы бөлімінің мемлекеттік қызметтер бойынша 2024 жылдың I-жартыжылдығында атқарған жұмыстары және көрсетілетін қызметтердің сапасы туралы» Мақтаарал ауданының құрылыс, сәулет және қала құрылысы бөлімі басшысының есебі;

5.«Мақтаарал ауданының жер қатынастары бөлімінің 2024 жылдың I-жартыжылдығында атқарған жұмыстары мен алда тұрған міндеттері туралы» Мақтаарал ауданының жер қатынастары бөлімі басшысының есебі.

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next