Мақтаарал ауданының Қоғамдық кеңесінің кезекті отырысы өтті

Кеше, 2024 жылғы 30 мамырда аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының ішкі саясат бөлімінің «Жастар ресурстық орталығы» коммуналдық мемлекеттік мекемесінің басшысы Ошантаев Нуркен және Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат қатысты.

Күн тәртібіне келесі мәселелер енгізілді:

1.«Мақтаарал ауданының ішкі саясат бөлімінің «Жастар ресурстық орталығы» коммуналдық мемлекеттік мекемесінің Ережесін жаңа редакцияда бекіту туралы» Мақтаарал ауданы әкімдігінің қаулы жобасы;

2.«Мақтаарал ауданы әкімдігінің 2022 жылғы 29 қыркүйектегі №586 санды қаулысына өзгерістер мен толықтырулар енгізу туралы» Мақтаарал ауданы әкімдігінің қаулы жобасы;

3.«Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі тарапынан 2023 жылдың және 2024 жылдың тиісті кезеңі аралығында мемлекеттік қызметтер көрсету кезінде орын алған бұзушылықтар және алдағы уақытта болдырмау, қызмет алушыларға ақпараттық түсіндіру жұмыстары туралы» Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі басшысының есебі.

Күн тәртібіне сәйкес бірінші мәселе бойынша Мақтаарал ауданының «Жастар ресурстық орталығы» коммуналдық мемлекеттік мекемесінің басшысы Ошантаев Нуркен баяндама жасады.

Күн тәртібіндегі екінші және үшінші мәселе бойынша Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат баяндама жасады.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next