Мақтаарал ауданының Қоғамдық кеңесінің кезекті отырысы өтті

Кеше, 2024 жылғы 01 сәуірде аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал аудандық мәслихатының төрағасы Қадір Сәрсекбаев және Мақтаарал аудандық жер қатынастары бөлімінің бас маманы Айнабек Жамединов қатысты.

Күн тәртібіне келесі мәселелер енгізілді:

1.Мақтаарал аудандық мәслихат төрағасының 2023 жылғы атқарылған жұмыстары және алдағы міндеттері туралы қорытынды есебі;

2.«Мақтаарал ауданының кейбір елді мекендерінің шекараларын өзгерту және белгілеу туралы» аудан әкімі мен Мақтаарал аудандық мәслихатының бірлескен қаулы және шешім жобасы;

Күн тәртібіне сәйкес бірінші мәселе бойынша Мақтаарал аудандық мәслихатының төрағасы Қадір Сәрсекбаев баяндама жасады.

Күн тәртібіндегі екінші мәселе бойынша Мақтаарал ауданының жер қатынастары бөлімінің бас маманы Жамединов Айнабек баяндама жасады..

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next