Қазкеңес жаңалықтары

Мақтаарал ауданының Қоғамдық кеңесінің кезекті отырысы өтті

Бүгін, 2024 жылғы 11 наурызда аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының экономика және қаржы бөлімінің басшысы Нұрлан Тұрашев қатысты.

Күн тәртібіне келесі мәселелер енгізілді:

1.«Мақтаарал ауданының экономика және қаржы бөлімінің 2023 жылға арналған аудан бюджетінің атқарылуы туралы» Мақтаарал ауданының экономика және қаржы бөлімі басшысының есебі ;

2. «Бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы» Мақтаарал аудандық мәслихатының шешім жобасы;

3. «Мақтаарал ауданының ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, кенттер, ауылдық округтер әкімдері аппараттарының мемлекеттік қызметшілеріне 2024 жылы көтерме жәрдемақы және тұрғын үй сатып алу немесе салу үшін бюджеттік кредит беру туралы» Мақтаарал аудандық мәслихаты шешімінің жобасы;

4. «Мақтаарал ауданының экономика және қаржы бөлімі» ММ-сі тарапынан 2023 жылдың қаңтар-желтоқсан айлары аралығында тұрғындарға көрсетілген мемлекеттік қызметтердің заңнама және қағида талаптарына сәйкес көрсетілуі, негізсіз бас тартуларды болдырмау, халыққа ақпараттық түсіндіру жұмыстары туралы» Мақтаарал ауданының экономика және қаржы бөлімі басшысының есебі;

5.Мақтаарал аудандық Қоғамдық кеңесінің мүшесінің өкілеттігін тоқтату туралы;

6.Мақтаарал аудандық Қоғамдық кеңесінің сандық құрамын Қоғамдық кеңеске кандидаттардың резервтік тізімінен іріктеу туралы.

Күн тәртібіне сәйкес 1,2,3,4 мәселелер бойынша Мақтаарал ауданының экономика және қаржы бөлімінің басшысы Нұрлан Тұрашев баяндама жасады.

Күн тәртібіндегі бесінші және алтыншы мәселе бойынша Мақтаарал ауданы Қоғамдық кеңесінің төрағасы Махамбет Ошантайұлы Ердешов баяндама жасады.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото