Қазкеңес жаңалықтары

Мақтаарал ауданының Қоғамдық кеңесінің кезекті отырысы өтті

Бүгін, 2024 жылғы 24 қаңтарда аудандық Қоғамдық кеңестің төрағасы М.О. Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының жер қатынастары бөлімінің басшысы Мырзамдамов Өсер, Мақтаарал ауданының жұмыспен қамту және әлеуметтік бағдарламалар бөлімінің басшысы Елшібаев Нұрғали және Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат қатысты.

Күн тәртібіне келесі мәселелер енгізілді:

1.«Мақтаарал ауданы, Мақтарал ауылдық округі, Игілік елді мекенінің шекарасын өзгерту туралы» аудан әкімі мен Мақтаарал аудандық мәслихатының бірлескен қаулы және шешім жобасы;

2.«Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Мақтаарал аудандық мәслихатының шешім жобасы;

3.«Мақтаарал аудандық мәслихатының 2023 жылғы 13 қыркүйектегі №6-41-VIII «Мақтаарал ауданында тұрғын үй көмегін көрсетудің мөлшері мен тәртібін айқындау туралы» шешіміне өзгеріс енгізу туралы» Мақтаарал аудандық мәслихатының шешім жобасы;

4.«Мақтаарал ауданы бойынша коммуналдық қалдықтарды басқару жөніндегі бағдарламасын бекіту туралы» Мақтаарал аудандық мәслихатының шешім жобасы;

5.Мақтаарал аудандық Қоғамдық кеңестің 2024 жылға арналған жұмыс жоспарын бекіту туралы.

Күн тәртібіне сәйкес бірінші мәселе бойынша Мақтаарал ауданының жер қатынастары бөлімінің басшысы Мырзамдамов Өсер тыңдалды.

Екінші және үшінші мәселе бойынша Мақтаарал ауданының жұмыспен қамту және әлеуметтік бағдарламалар бөлімінің басшысы Елшібаев Нұрғали тыңдалды.

Күн тәртібіндегі төртінші  мәселе бойынша Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат тыңдалды.

Күн тәртібіндегі соңғы мәселе бойынша Мақтаарал аудандық Қоғамдық кеңесінің төрағасы Ердешов Махамбет Ошантайұлы баяндама жасады.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото