Қазкеңес жаңалықтары

Мақтаарал ауданының Қоғамдық кеңесінің кезекті отырысы өтті

Бүгін, 2023 жылғы 02 қарашада аудандық Қоғамдық кеңестің төрағасы М.О. Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының қаржы және экономика бөлімінің басшысы Тұрашев Нұрлан Нұрғалиұлы және Мақтаарал аудандық мәслихаты аппаратының ұйымдастыру-құқықтық бөлімінің басшысы Айдағараев Нұрсұлтан Мұратұлы қатысты.

Күн тәртібіне келесі мәселелер енгізілді:

1.«Мақтаарал аудандық мәслихатының 2022 жылғы 23 желтоқсандағы №28-187-VII «2023-2025 жылдарға арналған аудандық бюджет туралы» шешіміне өзгерістер енгізу туралы» Мақтаарал аудандық мәслихатының шешім жобасы;

2.«2024 жылға Мақтаарал ауданында салық салу объектісінің елдi мекенде орналасуын ескеретін аймаққа бөлу коэффициентiн бекіту туралы» Мақтаарал ауданы әкімдігінің қаулы жобасы;

3.«Мақтаарал аудандық мәслихатының 2020 жылғы 30 сәуірдегі №64-400-VI «Мақтаарал ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебінен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсетудің тәртібі мен мөлшерін бекіту туралы» шешімінің күші жойылды деп тану туралы» Мақтаарал аудандық мәслихатының шешім жобасы;

4.«Мақтаарал аудандық мәслихатының 2022 жылғы 11 сәуірдегі №19-115-VII «Азаматтық қызметші болып табылатын және ауылдық елдi мекендерде жұмыс iстейтiн әлеуметтiк қамсыздандыру және мәдениет саласындағы мамандарға, сондай-ақ жергілікті бюджеттерден қаржыландырылатын мемлекеттік ұйымдарда жұмыс істейтін мамандарға қызметтiң осы түрлерiмен қалалық жағдайда айналысатын мамандардың мөлшерлемелерімен салыстырғанда жиырма бес пайызға жоғарылатылған айлықақылар мен тарифтiк мөлшерлемелер белгiлеу туралы» шешімінің күші жойылды деп тану туралы» Мақтаарал аудандық мәслихатының шешім жобасы.

Күн тәртібіне сәйкес бірінші және екінші мәселе бойынша Мақтаарал ауданының қаржы және экономика бөлімінің басшысы Тұрашев Нұрлан Нұрғалиұлы тыңдалды.

Екінші және үшінші мәселе бойынша Мақтаарал аудандық мәслихаты аппаратының ұйымдастыру-құқықтық бөлімінің басшысы Айдағараев Нұрсұлтан Мұратұлы тыңдалды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото