Қазкеңес жаңалықтары

Мақтаарал ауданының Қоғамдық кеңесі отырысы

Бүгін, 2023 жылғы 05 қазанда аудандық Қоғамдық кеңестің төрағасы М.О. Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының жер қатынастары бөлімінің басшысы Мырзамдамов Өсер, Мақтаарал ауданының жұмыспен қамту және әлеуметтік бағдарламалар бөлімінің бас маманы Ерназарова Гульнара Нураддинқызы және Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат қатысты.

Күн тәртібіне келесі мәселелер енгізілді:

1.«Қауымдық сервитут белгілеу туралы» Мақтаарал ауданы әкімдігінің қаулы жобасы;

2. Мақтаарал ауданы әкімдігінің 2022 жылғы 25 қарашадағы №702 «2023 жылға мүгедектігі бар адамдар үшін жұмыс орындарына квота белгілеу туралы» қаулысының күші жойылды деп тану туралы аудан әкімдігінің қаулы жобасы;

3.Мақтаарал ауданы әкімдігінің 2022 жылғы 25 қарашадағы №703 «Мақтаарал ауданының пробация қызметінің есебінде тұрған адамдарды, бас бостандығынан айыру орындарынан босатылған адамдарды және ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды, жұмысқа орналастыру үшін жұмыс орындарына 2023 жылға квоталар белгілеу туралы» қаулысының күші жойылды деп тану туралы Мақтаарал ауданы әкімдігінің қаулы жобасы;

4.Мақтаарал аудандық мәслихатының 2022 жылғы 28 қыркүйектегі №24-164-VII «Тұрғын үй сертификаттарының мөлшерін және оларды алушылар санаттарының тізбесін айқындау туралы» шешіміне өзгеріс енгізу туралы Мақтаарал ауданы мәслихатының шешім жобасы.

Күн тәртібіне сәйкес бірінші мәселе бойынша Мақтаарал ауданының жер қатынастары бөлімінің басшысы Мырзамдамов Өсер тыңдалды.

Екінші және үшінші мәселе бойынша Мақтаарал ауданының жұмыспен қамту және әлеуметтік бағдарламалар бөлімінің бас маманы Ерназарова Гульнара Нураддинқызы тыңдалды.

Күн тәртібіндегі соңғы мәселе бойынша Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Иманүсенов Қанат тыңдалды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото