Мақтаарал ауданының Қоғамдық кеңесі отырысы

Кеше, 2023 жылғы 23 тамызда аудандық Қоғамдық кеңестің төрағасы М.О. Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының жер қатынастары бөлімінің басшысы Мырзамдамов Өсер, Мақтаарал ауданының жұмыспен қамту және әлеуметтік бағдарламалар бөлімінің басшысының орынбасары Хаметов Дінмұхаммед, «Мақтаарал аудандық Мансап орталығы» КММ-нің директоры Ажықабылов Мұхтар, Достық және Иіржар ауылдық округтерінің әлеуметтік салаға жауапты мамандары мен мемлекеттік атаулы әлеуметтік көмек тағайындау жөніндегі комиссияның төрағалары қатысты.

Күн тәртібіне келесі мәселелер енгізілді:

1.«Мақтаарал ауданы, Жамбыл ауылдық округі, Жамбыл елді мекенінің шекарасын өзгерту туралы» аудан әкімі мен Мақтаарал аудандық мәслихатының бірлескен қаулы және шешім жобасы;

2.«Мақтаарал ауданының жұмыспен қамту және әлеуметтік бағдарламалар бөлімі» мемлекеттік мекемесінің ережесін бекіту туралы аудан әкімдігінің қаулы жобасы;

3.«Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Мақтаарал аудандық мәслихаты шешімінің жобасы;

4.«Мақтаарал ауданының жұмыспен қамту және әлеуметтік бағдарламалар бөлімі» ММ, «Мақтаарал аудандық Мансап орталығы» КММ, Достық және Иіржар ауылдық округі әкімі аппараты тарапынан 2023 жылдың қаңтар-тамыз айлары аралығында тұрғындарға көрсетілген мемлекеттік қызметтердің заңнама және қағида (стандарт, регламент) талаптарына сәйкес көрсетілуі, негізсіз бас тартуларды болдырмау, халыққа ақпараттық түсіндіру жұмыстары туралы» Мақтаарал ауданының жұмыспен қамту және әлеуметтік бағдарламалар бөлімінің басшысы, «Мақтаарал аудандық Мансап орталығы» КММ-нің директоры, Достық және Иіржар ауылдық округтерінің әлеуметтік салаға жауапты мамандары мен мемлекеттік атаулы әлеуметтік көмек тағайындау жөніндегі комиссияның төрағаларының есептері.

Күн тәртібіне сәйкес бірінші мәселе бойынша Мақтаарал ауданының жер қатынастары бөлімінің басшысы Мырзамдамов Өсер тыңдалды.

Екінші және үшінші мәселе бойынша Мақтаарал ауданының жұмыспен қамту және әлеуметтік бағдарламалар бөлімінің басшысының орынбасары Хаметов Дінмұхаммед тыңдалды.

Күн тәртібіндегі соңғы мәселе бойынша Мақтаарал ауданының жұмыспен қамту және әлеуметтік бағдарламалар бөлімінің басшысының орынбасары Хаметов Дінмұхаммед, «Мақтаарал аудандық Мансап орталығы» КММ-нің директоры Ажықабылов Мұхтар, Достық және Иіржар ауылдық округтерінің әлеуметтік салаға жауапты мамандары мен мемлекеттік атаулы әлеуметтік көмек тағайындау жөніндегі комиссияның төрағалары тыңдалды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next