Қала мектептеріне мониторинг

Облыстық Қоғамдық кеңес мүшелері, «Өрлеу» ҰБАО АҚ Ақтөбе облыстық кәсібіи даму институтының мамандарымен бірлесіп Ақтөбе қалалық орта білім беретін мектептерінің 2023-2024 жаға оқу жылына дайындығы бақылау мониторингін жүргізді. Мониторинг барысында 2024 жылы бюджет қаражатымен қосалқы ғимарат құрылысы салынған №2 орта мектебі, Ақжар елді мекеніндегі №49 орта мектебі, жаңа спортзалы салынған М.Құсаинов ат. дарынды балаларға арналған мамандандырылған мектеп-лицейі, №22 орта мектебіне қоғамдық бақылау жүргізілді. Мектептердегі жөндеу және құрылыс жұмыстары жүруде. М.Құсаинов ат. дарынды балаларға арналған мамандандырылған мектеп-лицейінде спортзал толық салынып болған, оқу процесіне дайын. Бұл мектептегі спортзал қажеттігі туралы Қоғамдық кеңес бірнеше ұсынымдар берген болатын.
№49 мектептегі оқушыларды оқулықтармен қамтамасыз ету жолға қойылмаған. Оқулықтар өте ескі, оқушылардың пайдалуына келмейді.
№2 орта мектебі және Ақжар елді мекеніндегі №49 орта мектебі қосалқы ғимараттар құрылысы бітпеген. Мердігер мекеме мамандары 1 қыркүйекке дейін дайын болады деп уәде беруде.
№22 орта мектебі сыйымдылығы 600 оқушы, іс жүзінде 1000 аса оқушы бар. №49 орта мектебінде 150 оқушыға арналған әр қабатта 3 дәретхана салынған. Осындай сыймдылықтағы №2 мектепте 10 дәретхана бар. Жылыту радиаторларының саны да сәйкес келмейді. Құрылыс жобалаушысы басқа облыстан болғандықтан да осындай мәселе болып отыр.
Қызылжар елді мекеніндегі 320 орындық мектеп құрылысына мониторинг жүргізілді.

Фото

Previous Next