ҚАЛАЛЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ 2024 жылдың 14 тамыз күні Қызылорда қалалық Қоғамдық кеңесінің жұмыс жоспарына сәйкес кезекті отырысы өтті.

ҚАЛАЛЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

2024 жылдың 14 тамыз күні Қызылорда қалалық Қоғамдық кеңесінің жұмыс жоспарына сәйкес кезекті отырысы өтті.

Отырысқа қалалық Қоғамдық кеңес мүшелері, қала әкімі Н.Ахатов, қала әкімдігінің дербес бөлімдерінің басшылары, Ақсуат ауылдық округінің әкімі, қалалық санитариялық-эпидемиологиялық бақылау басқармасының басшысы, «Қызылорда су жүйесі» мемлекеттік коммуналдық кәсіпорыны басшысы, Мемлекеттік қызмет істері агенттігінің Қызылорда облысы бойынша департаментінің басқарма басшысы, «Қызылорда Облыстық мүгедектер қоғамы» қоғамдық бірлестігінің төрағасының өкілі, "Орда Қайсарлары" мүгедектер қоғамдық бірлестігінің төрайымы және бұқаралық ақпарат құралдарының өкілдері қатысты.

Қоғамдық кеңестің күн тәртібіне «Қызылорда қаласы тұрғындарын сапалы ауыз сумен қамту жағдайы туралы», «Мүгедектігі бар адамдарға кедергісіз орта құру жұмыстары туралы», «Қалалық жұмыспен қамту және әлеуметтік бағдарламалар бөлімі» КММ және «Ақсуат ауылдық округі әкімінің аппараты» КММ-мен көрсетілетін мемлекеттік қызметтер бойынша 2024 жылдың ІІ-тоқсанында атқарылған жұмыстары туралы» мәселелері шығарылды.

Аталған мәселелер бойынша қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы М.Әбсұлтанов, қалалық санитариялық-эпидемиологиялық бақылау басқармасының басшысы Г.Сыздықова, қалалық жұмыспен қамту және әлеуметтік бағдарламалар бөлімінің басшысы К.Құрақбаева, Ақсуат ауылдық округінің әкімі Н.Бақытов хабарлама жасап, қоғамдық кеңес мүшелері тарапынан қойылған сауалдарға жауап берді.

Отырыс барысында, кеңес мүшелері М.Кәрімбаев ауыз суды тұтынушылардан қарыз ақшаларын жинауды бір жүйеге келтіру, А.Жаппасбаев бастоғанға (водозабор) күрделі жөндеу жұмыстарын жүргізу, зертханасын қажетті құралдармен, реагенттермен толық қамтамасыз ету, С.Дүйсенбаев ауыз су құбырына локалды дезинфекция жасау, Д.Абизов ауыз су сапасына қатысты сынамалар алу, С.Алдашбаев мүгедектігі бар адамдарға пандустардың сапалы салынып, көпірлердегі жеделсатылардың (лифт) қалыпты жұмыс жасауын қамтамасыз ету, М.Есжанов қалаға қарасты ауылдық елді мекен тұрғындарына сол ауыл аймағынан жер телімдерін бөлу, рұқсатсыз өздігінен иеленген жерлерді заңдастырып беру, С.Дүйсенбаев мемлекеттік көрсетілетін қызметтерді сапалы және уақытылы көрсету мәселелерін ұсынды.

Отырысқа қалалық Қоғамдық кеңестің төрағасы С.Дүйсенбаев төрағалық етті.

Фото

Previous Next