Сәтбаев қаласының Қоғамдық кеңесінің кезекті отырысы

Ағымдағы жылдың 25 қыркүйегінде өткен Қоғамдық кеңес отырысының күн тәртібінде мынадай мәселелер қаралды:

1. «Мемлекеттік тілді және Қазақстан халқының басқа да тілдерін дамыту» бюджеттік бағдарламасының орындалуы туралы «Сәтбаев қаласының мәдениет және тілдерді дамыту бөлімі» ММ басшысының есебі.

2. «2024-2025 жылдарға арналған жаңа оқу жылына дайындық барысы туралы» білім бөлімі басшысының есебі. «Сәтбаев қаласының білім бөлімі» ММ мемлекеттік қызметтердің көрсету сапасы туралы.

3. «Қалада қоғамдық тәртіпті сақтау және қоғамдық бақылауды жүзеге асыру туралы» және «Азаматтардың құқықтары мен бостандықтарының заңдылығын және сақталуын қамтамасыз ету».

4. Әртүрлі.

Бірінші сұрақ бойынша «Сәтбаев қаласының мәдениет және тілдерді дамыту бөлімі» ММ басшысы Қ.Ж.Төлештің баяндамасы тыңдалды. Бөліммен ҚР «Тіл туралы» Заңының аясында тіл саясатын  дамытуды іске асыру жөніндегі жоспарға сәйкес орындалуын қадағалау, тілдер оқыту, тілдерді дамытуды насихаттау шаралары тұрақты негізде жүргізіледі. Мемлекеттік тілдің беделін арттыру, қолдану салаларын кеңейту мақсатында осы жылы жоспарланған 11 ісшараның 8-і өткізілген. Қоғамдық кеңес мүшелері бағдарлама бойынша жүзеге асырылып жатқан оқу курстарының қазіргі таңда тиімсіздігі туралы айтып, оларды жаңа форматта өткізу туралы ұсыныстар берді.

Келесі кезекте - Сәтбаев қаласының білім бөлімінің есебі қаралды. Бөлім басшысы     Б.Б.Ақышбековтың ақпараты бойынша жаңа оқу жылында қаланың 13 жалпы білім беретін мектебінде 12000-ға жуық оқушы қамтылған. Қаланың мектептерінде барлығы 809 мұғалім білім береді, жаңа оқу жылына 25 жас мамандар қабылданған, алайда білім  ұйымдарына педагогтер тапшылығы бар. Бөліммен ҚР Білім және ғылым министрлігі әзірленген стандарттарға сай 22 мемелекеттік қызмет көрсетіледі. Мемлекеттік қызмет көрсету бойынша барлық жағдай жасалған. Жауапты мамандармен жоспарға сәйкес ішкі бақылау жүргізіледі, сондай-ақ Стандартқа енгізілген өзгерістер мен толықтырулар білім беру ұйымдарына таныстырылып отырады.

Күн тәртібінің келесі мәселесі бойынша кеңес мүшелері Сәтбаев қаласы полиция бөлімінің бастығы Е.Н.Байзақовтың «Қалада қоғамдық тәртіпті сақтау және қоғамдық бақылауды жүзеге асыру туралы» ақпаратын тыңдады. Полиция бөліммен әкімшілік және қылмыстық құқық бұзушылықтар жасауға ықпал ететін себептер мен жағдайларды анықтауға, зерделеуге және жоюға бағытталған іс-шаралар кешені жүзеге асырылады.

Күн тәртібіндегі мәселелерді қарау қорытындысы бойынша Қоғамдық кеңестің тиісті ұсынымдары қабылданды.

Фото

Previous Next