Қазкеңес жаңалықтары

«Қазақстанның Экспорттық-кредиттік агенттігі» АҚ Қоғамдық кеңесінің жұмыс тобына мүшелерді іріктеу бойынша конкурс

Хабарландыру

«Қазақстанның Экспорттық-кредиттік агенттігі» акционерлік қоғамы Қазақстан Республикасы Ақпарат және қоғамдық даму министрінің 26.02.2021 ж.  № 69 бұйрығымен бекітілген Қоғамдық кеңес туралы үлгілік ереженің (бұдан әрі – Үлгілік ереже) 5-тармағына сәйкес жариялайды.

- «Қазақстанның Экспорттық-кредиттік агенттігі» акционерлік қоғамында Қоғамдық кеңес құру жөніндегі жұмыс тобына мүшелерді іріктеу бойынша конкурс;

- байқаушылар тізімін қалыптастыру бойынша іріктеу жүргізу.  

Қоғамдық кеңесті қалыптастыру жөніндегі жұмыс тобының сандық құрамы 6 адамды құрайтын болады, оның ішінде 2 адам «Қазақстанның Экспорттық-кредиттік агенттігі» акционерлік қоғамының өкілдері болады.

Конкурсқа қатысуға ниет білдірген азаматтар, коммерциялық емес ұйымдардың өкілдері (бұдан әрі – жұмыс тобының мүшелігіне кандидаттар) осы хабарландыру орналастырылған күннен бастап күнтізбелік бес күн ішінде келесі құжаттарды Астана қаласы, Есіл ауданы, Мәңгілік Ел даңғылы, 55А ғимараты, телефон нөмірі: 95-56-56, +7 747 793 47 36 мекенжайы бойынша қолма-қол беруге не info@kazakhexport.kz электрондық мекенжайына жолдауға құқылы: 

  1. кандидатураны жұмыс тобының құрамына ұсыну туралы коммерциялық емес ұйымның жазбаша ұсынысын және (немесе) азаматтың өтінішін осы хабарландыруға 1-қосымшаға сәйкес;

  2. өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;

  3. сотталғандығының болуы не болмауы туралы анықтама;

  4. психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама;

  5. кандидаттың дербес деректерін жинауға, өңдеуге, таратуға және жариялауға келісімді жібереді.

Жұмыс тобының мүшелігіне кандидат осы тармақтың бірінші бөлігінің 3) және 4) тармақшаларында көзделген анықтамаларды өз бетінше немесе өзінің қатысуымен Қоғамдық кеңес құрылатын мемлекеттік органның немесе квазимемлекеттік сектор субъектісінің көрсетілген анықтамаларды ақпараттық жүйелерден талап етіп алдыруына жазбаша келісуі арқылы ұсынады.

Байқаушы болуға ниет білдірген тұлға «Қазақстанның Экспорттық-кредиттік агенттігі» акционерлік қоғамының info@kazakhexport.kz электрондық мекенжайына Қоғамдық кеңесті қалыптастыру жөніндегі жұмыс тобының мүшелерін іріктеу жөніндегі конкурсқа байқаушы ретінде қатысу үшін өтініш осы хабарландыруға 2-қосымшаға сәйкес нысан бойынша беріледі.

Байқаушы ретінде кандидат үкіметтік емес ұйымдардың, бұқаралық ақпарат құралдарының, мемлекеттік органдардың, халықаралық ұйымдардың өкілі бола алады.

Фото