Баянауыл ауданының Қоғамдық кеңесінің отырысы

31 қазан күні Баянауыл ауданының Қоғамдық кеңесінің отырысында Қазақстан Республикасы Сыбайлас жемқорлыққа қарсы іс-қимыл Агенттігінің Павлодар облысы бойынша департаменті басшысының бірінші орынбасары Мұратбек Жұмағалиұлы Қасымовтың қатысуымен өңірдегі сыбайлас жемқорлыққа қарсы өзекті мәселелер талқыланып қарастырылды.

Қоғамдық кеңесінің отырысына Қоғамдық кеңесінің мүшелері, аудан әкімі Ардақ Әнуарбекұлы Кісентаев, аудандық мәслихатының төрағасы Руслан Рахметоллаұлы Мұқашев, Майқайың кенті мен ауылдық округтердің әкімдері, аудан әкімінің орынбасарлары, ауданның мемлекеттік мекемелерінің басшылары қатысты.

Отырыс барысында ҚР Сыбайлас жемқорлыққа қарсы іс-қимыл Агенттігінің Павлодар облысы бойынша департаменті басшысының бірінші орынбасары Мұратбек Жұмағалиұлы Қасымов Павлодар облысында Сыбайлас жемқорлыққа қарсы волонтерлік жобасын іске асыру туралы баяндамасын жасады. Сонымен қатар, ауданымызда стихиялық полигондарды жою бойынша қабылданып жатқан шаралар туралы аудандық Экономиканың нақты сектор бөлімінің басшысы Руслан Амантайұлы Махамбетов және Павлодар облысы ветеринария басқармасының «Павлодар облыстық ветеринариялық станциясы» ШЖҚ МКК Баянауыл аудандық ветеринария бөлімінің басшысы Наурызбай Тілекұлы Дәулетов сібір жарасына қарсы атқарып жатқан жұмыстары мен көмінділері туралы баяндамаларын жасады.

Қоғамдық кеңесі мүшелерінің тарапынан су, жер, құрылыс салу мәселелері жөнінде сыбайлас жемқорлыққа қарсы жұмыстар өткізу, Баянауыл орталығында жаңа қоқыс полигоның салу, ауылдық жерлерде кәріз суларды тасымалдау жерлерді анықтау, мал қорымдарын салу және басқа да өзекті мәселелер талқыланды.

Фото

Previous Next