Қоғамдық кеңесінің кенейтілген отырысы өтті

18 наурыз күні Қоғамдық кеңесінің кенейтілген отырысы өтті. Отырысқа аудан әкімі Ардақ Әнуарбекұлы Ксентаев, аудандық мәслихаттың төрағасы Руслан Рахметоллаұлы Мұқашев, аудан прокуроры Бахытжан Қуандықұлы Бабаев, облыстық мәслихатының депутаты Арман Оралұлы Рахмаш, аудандық мәслихаттың депутаттары, аудандық Қоғамдық кеңестің мүшелері, Майқайың кенті мен ауылдық округтерінің әкімдері, құқық қорғау органдарының және аудан мекеме басшылары қатысты.

Күн тәртібінде Баянауыл ауданының әкімі Ардақ Әнуарбекұлы Ксентаевтың 2023 жылғы атқарылған жұмыстардың қорытындысы мен ағымдағы жылдың жоспарлары туралы және Қоғамдық кеңесінің атқарылған жұмыстары туралы есебі тыңдалды.

Отырыс барысында облыстық мәслихатының депутаты А. Рахмаштан, аудан депутаттарынан және Қоғамдық кеңесінің мүшелері тарапынан барлық деңгейдегі жолдардың күрделі мәселелері, оның ішінде Күркелі, Ұзыңбұлақ ауылдық округтеріне қарасты жолдарға сапасыз істелінген жол құрылысының жұмыстарына наразылық білдірілді. Сонымен қатар, бірқатар ауылдардағы су құбырларының талапқа сай жұмыс атқарылмауы, судың төмен сапасы мен басқа да су құбырларына қарасты күрделі мәселелер көтерілді.

Ветеринария саласындағы көптеген проблемалық сұрақтар көтеріліп, оның ішінде мал дәргерлерінің жұмыстары бойынша, қызметтік көліктерінің жетіспеушілігі туралы және тағы басқа.

Баянауыл, Жасыбай аймақтарындағы туризмді дамыту, Сабындыкөл, Жасыбай көлдерінің жағажай бизнесінің проблемаларын шешу.

Білім саласына қарасты С. Торайғыров атындағы мектеп жанындағы ғимаратқа күрделі жөндеу жұмыстары 2022 жылы басталып осы күнге дейін жұмыстар өкінішке орай аяқталмағаны туралы сұрақтар қойылды.

Жалпы, ауданымыздың әлеуметтік – экономикалық тұрғыдағы мәселелер көтеріліп, жергілікті атқарушы органдардан тиісті жауаптар алынды.

Фото

Previous Next