«Аул ел бесігі» бағдарламасы бойынша жүзеге асырылатын жобаларды іске асыру мониторингінің қорытындылары

Облыстық қоғамдық кеңестің халықтың өмір сүру сапасын арттыру мәселелері жөніндегі комиссиясының отырысында қоғамдық кеңес мүшелері «Аул ел бесігі» бағдарламасы бойынша жүзеге асырылатын жобалардың іске асырылуына мониторинг жүргізуді қорытындылады. Ағымдағы жылы облыстың қалалары мен аудандарында, Екібастұз қаласы мен Ақтоғай ауданын қоспағанда, кентішілік жолдарды орташа жөндеу, көшелерді жарықтандыру, ауылдық Мәдениет үйлерін, мектептерді күрделі жөндеу, мәдени-демалыс орталықтарын, дене шынықтыру-сауықтыру кешенін салу және т. б. бойынша 47 жоба іске асырылды. Мониторинг жүргізуге облыстық қоғамдық кеңестің мүшелері, Ақсу қаласы, Аққулы, Успен және Шарбақты аудандары қоғамдық кеңестерінің мүшелері қатысты. Көптеген өңірлерде жөндеу жұмыстары аяқталды, орындалған жұмыстардың сапасы жағынан ескертулер жоқ. Сонымен қатар, Павлодарское ауылында ЖТҮҚ шағын ауданын электрмен жабдықтау үшін қосалқы станция құрылысының аяқталмау қаупі бар, Ертіс ауданының Панфилов ауылында жалпы ұзындығы 3 шақырымды құрайтын 4 көшенің жұмыстары, Май ауданының Қаратерек ауылындағы кентішілік жолды орташа жөндеу жұмыстары аяқталмаған. Шартқа сәйкес 2025 жылға ауысатын үш жоба. Отырыс қорытындысы бойынша қалалар мен аудандардың әкімдеріне, облыстың білім беру басқармасына ұсынымдар берілді.

Фото

Previous Next