Өңір әкімімен кездесу

Өңір басшысы А. Шахаров бірқатар а.ж. 17 қыркүйегінде өзекті мәселелер бойынша қоғам белсенділері және зиялы қауым өкілдерімен кездесіп, қатысушылардың пікірлерін тыңдау үшін шараның ұйымдастырылғанын тілге тиек етті.  

 «Бұл – жәй ғана кездесу емес, қоғамды толғандыратын өзекті тақырыптар туралы маңызды диалог алаңы. Мемлекет басшысы Ұлттық құрылтай отырысында жалпыға ортақ құндылықтарды дамыту жолында атқару қажет жұмыстарға, мақсаттарға тоқталып, күресу керек бес кеселді атады. Бұл – нашақорлық, лудомания, тұрмыстық зорлық-зомбылық, ысырапшылдық және вандализм. Бүгінгі басқосуда әлеуметтік ахуалды саралауда, руханият пен мәденитті дамытуда, жастар тәрбиесінде пікірлеріңіз бен ұтымды ой-ұсыныстарыңыз өте маңызды. Сіздерден маңызды пікірлер, жаңа бастамалар, тың идеялар күтемін», - деді облыс әкімі зиялы қауым өкілдеріне.

Аймақ басшысы әр еңбек ардагерінің өңір дамуына, қоғам өміріне қосқан үлесін ерекше атап өтіп, көпшілік елге елеулі адамдардың еңбегі туралы біліп, олардан үлгі алу керектігін айтты.

Кездесу тақырыбын талқылау барысында қатысушылар ұсыныс-пікірлерін жеткізді. М. Ақдәулетұлы тұрғындардың оқуға деген қызығушылығын ояту қажеттігін алға тартты. А.Тайжанов су тасқыны аймақтың барлық тұрғындарын қалай біріктіргенін еске салды. Жас буын өкілдері облыстағы кез-келген ауқымды іс-шараларды ұйымдастыруда белсенді: сенбіліктер, барлық акциялар, мәдени-ойын-сауық бағдарламалары, спорттық жарыстар. М.Бақытжанов халықтың өнерге деген сүйіспеншілігін арттыру қажеттігі туралы пікір білдірді. Облыстық Қоғамдық кеңес мүшесі азаматтардың қоғамдық белсенділігін арттыру туралы ұсыныстарын айтты.

 Қатысушылар қаузаған ұсыныстардың ішінде құмар ойындар мен есірткінің зияны туралы ақпараттық науқанды күшейту, тұрмыстық зорлық-зомбылықтан жапа шеккендерді қолдайтын дағдарыс орталықтарын ашу, сондай-ақ, жастарды мәдени және спорттық іс-шараларға тарту бар.

 Осы мәселелерді шешуде тұрақты нәтижелерге қол жеткізу үшін барлық мүдделі тараптардың бірлескен күш-жігері маңызды.

Фото

Previous Next