«Таза Қазақстан» аясындағы шаралар

Ақтөбе облыстық Қоғамдық кеңес мүшелері Ақтөбе қаласындағы «Дина» гипермаркеті ауданында Қазақстан Республикасының күніне орай ағаш отырғызу бойынша ауқымды акцияға қатысты.
✅ Іс-шара «Таза Қазақстан» республикалық экологиялық бағдарламасы аясында облыстық және қалалық мәслихаттар депутаттарының, облыстық және қалалық Қоғамдық Кеңес мүшелерінің бастамасымен өтті.

🔹 Облыстық Қоғамдық кеңес мүшелері Б.Егімбаев, Қ.Алимов, Х.Избастенова, Б.Жұбаниязов, С.Құрманалин қаламыздың көркеюіне, болашақ ұрпақ үшін таза, абаттандырылған қаланы қалдыруға үлес қосты.
🌳 Акция аясында 100-ге жуық ағаш отырғызылды. Бұл Ақтөбені көркейту және экологиялық жағдайды жақсартудың маңызды қадамы болмақ.
Іс-шара Қазақстандағы экологияны арттыруға және табиғи ортаны жақсартуға бағытталған көгалдандыру жөніндегі кең науқанның бір бөлігі болды.
Бағдарламаны іске асыруға 405 мыңнан астам ақтөбелік қатысты.
Биылғы жылдың көктемі мен күзінде облыстың елді мекендерінде 350 мыңнан астам ағаш отырғызылды.

Фото

Previous Next