Қазкеңес жаңалықтары
KazKENES жаңалықтары2024 жылдың 9 айында атқарылған жұмыстар туралы
Павлодар облыстық қоғамдық кеңесі өз жұмысын бекітілген жоспарға сәйкес ұйымдастырады. Ағымдағы жылдың басынан бері қоғамдық кеңестің 16 отырысы, 3 төралқа және 13 комиссия отырыстары өткізілді. Отырыстарда келесі мәселерер қаралды. - Білім беру саласында мемлекеттік қызметтер көрсету сапасын арттыру туралы; - Денсаулық сақтау саласындағы сыбайлас жемқорлық тәуекелдерін сыртқы талдау қорытындылары туралы; - Павлодар облысының ғылыми және туристік әлеуетінің құрамдас бөлігі ретінде «Қаздар қонысы» палеонтологиялық ескерткішінің тағдыры; - Павлодар облысы жастарын, оның ішінде мүгедектер мен ерекше балалар санатын кәсіптік бағдарлау, жұмысқа орналастыру және кәсіби өсу мәселелері. Облыс әкімі А.Қ. Байхановтың 2023 жылғы жұмысы және облыстық мәслихаттың төрағасы И. С. Теренченконың алдағы кезеңдегі міндеттері туралы және 2023 жылғы жұмыс қорытындылары туралы есептері тыңдалды. Облыстық қоғамдық кеңестің азаматтардың құқықтарын, заңды мүдделерін қамтамасыз ету және сыбайлас жемқорлық көріністеріне қарсы іс-қимыл жөніндегі және қалалар мен аудандардың қоғамдық кеңестерінің сыбайлас жемқорлық тәуекелдеріне ішкі талдауларды талқылау жөніндегі комиссиялардың бірлескен отырысын өткізу дәстүрге айналды. Барлығы 19 басқарма мен 14 әкімдік қаралды. Өткізілген отырыстардың қорытындылары бойынша облыстық басқармаларға, қалалар мен аудандар әкімдіктеріне ұсынымдар қабылданып, ұсыныстар енгізілді. АӨК дамыту мәселелері жөніндегі комиссия мүшелері ауылдық жалпы білім беретін мектептерде «Машинатану» курстарын ұйымдастыру туралы, енгізілген өзгерістерді ескере отырып, «Жайылымдар туралы» ҚРЗ іске асыру барысы туралы, облыста ылғал үнемдеу технологиясын енгізу барысы туралы (ҚР Президенті Қ-Ж.К. Тоқаевтың тапсырмаларын орындау туралы), Ауыл шаруашылығы тауарын өндірушілерді мемлекеттік қолдау (субсидиялау) туралы мәселелерді, жануарлардың ветеринариялық қауіпсіздігі, эпизоотия, жұқпалы және зең ауруларының өсуі, аурулар мен инфекциялардың алдын алу, мал мен құс басын есепке алу туралы мәселелерді қарады. Халықтың өмір сүру сапасын арттыру мәселелері жөніндегі комиссия өз отырыстарында субсидияланатын Жолаушылар тасымалы маршруттарының мониторингін, бюджеттік бағдарламалар бойынша оқитын ЖОО мен колледж студенттерінің жұмысқа орналасу мониторингін, Павлодар қаласының бала-бақшалары жұмысының мониторингін, «Аул ел бесігі» бағдарламасы бойынша жүзеге асырылатын жобалардың іске асырылу мониторингін қорытындылады. Қандастарды тарихи отанына көшіру, еңбекке жарамды халықты оңтүстік өңірлерден солтүстікке көшіру, құжаттарды рәсімдеу кезіндегі проблемалар, жер-жерде көмек, қолдау көрсету мәселелерін қарастырды. Облыстың көші-қон қызметтері мен халықты әлеуметтік қорғау органдарының жұмысы. Өткен жылы жастарды қолдау және спортты дамыту жөніндегі комиссия Павлодар облысының дене шынықтыру және спорт саласында көрсетілетін мемлекеттік қызметтердің сапасын бағалау бойынша мониторинг жүргізді. Оның қорытындысы бойынша облыс әкімінің атына хат жолданды. Қазіргі уақытта бұл комиссия «Павлодар облысында бұқаралық спорты мен туризмді дамытудың проблемалық сұрақтары» мәселесін дайындауда, ол ағымдағы жылдың қараша айында Қоғамдық кеңестің отырысында қаралатын болады. Келесі мониторинг жұмыстары жүргізілді: 1) Бюджеттік бағдарламалар бойынша оқитын ЖОО және колледж студенттерін жұмысқа орналастыруды мониторингілеу; 2) Субсидияланатын Жолаушылар тасымалы маршруттарын мониторингілеу; 3) Облыста ҚР 2003 жылғы 20 маусымдағы № 442-II Жер кодексінің және ҚР 2017 жылғы 20 ақпандағы «Жайылымдар туралы» №47-VI Заңының іске асырылуын мониторингілеу; 4) «Ауыл ел бесігі» бағдарламасы бойынша жүзеге асырылатын жобалардың іске асырылуын мониторингілеу; 5) Павлодар қаласындағы бала-бақшалардың жұмысын мониторингілеу; 6) Павлодар облысының коммуналдық қалдықтарды басқару бағдарламасының орындалуын мониторингілеу; «Ашық НҚА»сайтында жұмыс жасаймыз. Мемлекеттік органдардың 43 НҚА жобалары қаралды. Өз келісімімізді немесе келіспеушілігімізді сайтта жариялаймыз. Қоғамдық кеңес мүшелері күн сайын кеңседе кезекшілік етеді, азаматтар хабарласқан кезде азаматтарды жеке мәселелері бойынша қабылдап, оларды толғандырған мәселелер бойынша кеңес береді. Кейбір мәселелер тиісті атқарушы органдарға хат жолдау арқылы шешілді. Жыл басынан бері қоғамдық кеңеске ауыл шаруашылығы мәселелері бойынша, жастарды қолдау бойынша, спортты дамыту бойынша мәселелерімен, қоныс аудару мәселелері бойынша, саяжай иелерінің проблемалары бойынша, жер бөлу бойынша, көгалдандыру бойынша, ТҮКШ саласындағы мәселелер бойынша, «Қаздар қонысы» бойынша, орман қорғау іс-шаралары бойынша, интернатқа анықтау мәселесі және т.б. бойынша 17 адам жүгінді. Қоғамдық кеңес мүшелері түйткіл мәселелер бойынша кеңес береді, мемлекеттік органдарға хаттар жолдаймыз, мәселені зерттеп, қоғамдық кеңестің отырысында қарастырамыз. Халықты қоғамдық кеңестің қызметі туралы ақпараттандыру мақсатында облыстық мәслихаттың интернет-ресурсында «Қоғамдық кеңес» бөлімі жұмыс істейді. Сондай-ақ, қоғамдық кеңестің жұмысы туралы ақпарат республикалық KAZKENES сайтында, бұқаралық ақпарат құралдары мен әлеуметтік желілерде жарияланады. Нәбиев Н.А., облыстық қоғамдық кеңестің төрағасы
Фото
