Мектеп асханасындағы балдың сапасы қандай?

“Қоғамдық кеңестер туралы” ҚР Заңының 5-ші бабына сәйкес 31 қазан күні облыстық Қоғамдық кеңестің отырысында “Жамбыл облыстық омарташылар ассоциациясы” ЖШС тарапынан мектептегі тамақтануды ұйымдастыру бойынша ас мәзіріне бал қосу барысында орын алған кемшіліктер көрсетілген арызы қаралды.

 Комиссия төрағасы Р. Рахманбердиевтің жетекшілігімен мониторингтік топ мүшелері “Денсаулық сақтау және білім беру ұйымдарындағы тамақтану стандарттарына” сәйкес мектеп асханаларына бал өнімдерін жеткізу туралы келісім-шарттар, ас мәзіріне зерделеу жүргізу барысында жеткізушілер бал өнімдерін әр түрлі шыны, полимер ыдыстарына құйып әкелетінін, тараптардың келісім-шарт бойынша міндеттемелері орындалмағанын анықтады. 

 Топ мүшелері атап көрсеткендей, “Мемлекеттік сатып алу туралы” ҚР Заңына сәйкес техникалық шарт бойынша мектеп асханаларына бал өнімдері 20 граммдық блистерлі қаптамаға құйылған ыдыстармен жеткізілуі тиіс. 
 
Мониторинг жүргізілген бірқатар жалпы білім беретін мектептерде жеткізушілер техникалық шарт талаптарын орындамағаны, оқушыларды тамақтандыруды ұйымдастыруда мектеп басшылығы тарапынан кемшіліктерге, сыбайлас жемқорлық тәуекелдеріне жол берілгені туралы мониторинг қорытындысымен кеңес мүшелері және отырысқа шақырылған “ЖАҢАРУ”жалпыұлттық сыбайлас жемқорлыққа қарсы қозғалыс” РҚБ Жамбыл облыстық филиалы төрағасының орынбасары, “AMANAT”партиясы облыстық филиалының инспекторы Е.Омаров, Жамбыл облыстық ардагерлер ұйымының төрағасы Е.Солтыбаев, білім басқармасы, білім бөлімінің мамандары, өнім өндірушілер, өнімдерді жеткізуші кәсіпкерлер таныстырылды. 

Мектептегі тамақтануды ұйымдастыру жөніндегі заңнамалық база негізінде оқушыларды сапалы теңгерімді тамақпен қамтамасыз ету, тамақтану нормалары және сапасына мониторинг жүргізу барысындағы бракераждық комиссиялар, ведомоствоаралық сараптамалық топтардың жұмысы туралы сұрақтар отырысқа қатысушылар тарапынан қызу талқыланды. 

 Мемлекеттік қызметтер көрсету нәтижөнінде азаматтар үшін жасалған жағымсыз салдарлар туралы ақпарат жинақталған қоғамдық мониторинг қорытындысы негізінде ҚК мүшелері ҚР заңнамасының бұзушылықтарына қоғамдық мониторинг барысында анықталған себептер мен жағдайларды жою жөніндегі ұсынымдар қабылдады. 

ҚК төрағасы М.Абдраимов қоғамдық мониторинг қорытындысына сәйкес қабылданған ұсынымдар тиісті мемлекеттік органдарға жолданатынын, сонымен қатар бақыланатын объектілердің тиімділігін арттыру жөнінде ұсыныстар дайындалатынын атап айтып, отырысты қорытындылады. 

ҚК күн тәртібінде қаралған мәселелер туралы сюжет аймақтың айнасы “JAMBYL TV” телеарнасының 
“AIQYN AQPARAT” жаңалықтар топтамасынан көрсетілді.

Фото

Previous Next