Табиғатымызды бірге қорғап, көркейтуге атсалысайық!

Ақтөбеде жасыл желек отырғызу бастамасы! Бүгін қалалық мәслихат төрағасы Анар Даржанова, 30 округ депутаты - Нұржамал Кулекенова, 31 округ депутаты Қанат Тапаев, Қоғамдық кеңес мүшесі Алтынбек Мақашев тұрғындардың ұсынысына орай, Есет батыр тұрғын алабында көшеттер отырғызу жұмыстарын ұйымдастырды.

Бұл шара «Ақтөбе облысының 2024-2026 жылдарға арналған экологиялық проблемаларын кешенді шешу жөніндегі» жол картасы аясында жүзеге асты. Тұрғындардың ұсыныстары ескеріліп, Ақтөбе облысының табиғи ресурстар және табиғатты пайдалануды реттеу басқармасының қолдауымен, 500-ден астам жасыл көшет отырғызылды.

Бұл бастама – қаламыздың экологиясын жақсартуға бағытталған маңызды қадам. Табиғатымызды бірге қорғап, көркейтуге атсалысайық!

Фото

Previous Next