Мақтаарал ауданының жаңадан құрылған Қоғамдық кеңесінің бірінші отырысы өтті

Бүгін, 2024 жылғы 06 қараша күні аудандық Қоғамдық кеңестің төрағасы М.О.Ердешовтың төрағалығымен жаңа құрылған Қоғамдық кеңестің бірінші отырысы өтті. Қоғамдық кеңестің отырысына Қоғамдық кеңестің мүшелері, Мақтаарал ауданының жұмыспен қамту және әлеуметтік бағдарламалар бөлімінің басшысы Нұрғали Елшібаев және Мақтаарал ауданының экономика және қаржы бөлімінің басшысы Нұрлан Тұрашев қатысты.

Күн тәртібіне келесі мәселелер енгізілді:

1.«Мақтаарал аудандық мәслихатының 2024 жылғы 24 сәуірдегі №15-105-VIII «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгерістер енгізу туралы» Мақтаарал аудандық мәслихаты шешімінің жобасы;

2.Мақтаарал аудандық мәслихатының «Мақтаарал ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебiнен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету тәртібі мен мөлшерін бекіту туралы» Мақтаарал аудандық мәслихаты шешімінің жобасы;

3.Аудандық жұмыспен қамту және әлеуметтік бағдарламалар бөлімі тарапынан «2024 жылдың қаңтар-қыркүйек айлары аралығында көрсетілген мемлекеттік қызметтер, орын алған бұзушылықтар және алдағы уақытта  болдырмау мақсатында қызмет алушыларға ақпараттық түсіндіру жұмыстары туралы» Мақтаарал ауданының жұмыспен қамту және әлеуметтік бағдарламалар бөлімі басшысының есебі;

4.Мақтаарал аудандық мәслихатының 2023 жылғы 25 желтоқсандағы №10-65-VIII «2024-2026 жылдарға арналған аудандық бюджеті туралы» шешіміне өзгерістер енгізу туралы Мақтаарал аудандық мәслихаты шешімінің жобасы;

5.Мақтаарал аудандық Қоғамдық кеңестің 2024 жыдың қараша-желтоқсан айларына арналған жұмыс жоспарын бекіту туралы;

6.Мақтаарал ауданының Қоғамдық кеңес туралы Ережесін бекіту;

7.Мақтаарал ауданының Қоғамдық кеңесінің жанынан бюджет, экономикалық даму, әлеуметтік және сыбайлас жемқорлық көріністеріне қарсы іс-қимыл мәселелерімен айналысатын комитетін құру және комитет төрағасын сайлау;

8.Мақтаарал ауданы Қоғамдық кеңесінің Аграрлық сала, жер қатынастары және табиғатты пайдалану, мемлекеттік-құқық мәселелері және жергілікті өзін-өзі басқару жөніндегі комитетін құру және төрағасын сайлау туралы;

Күн тәртібіндегі бірінші, екінші және үшінші мәселе бойынша Мақтаарал ауданының жұмыспен қамту және әлеуметтік бағдарламалар бөлімінің басшысы Н.Елшібаев баяндама жасады

Күн тәртібінің төртінші мәселесі бойынша Мақтаарал ауданының экономика және қаржы бөлімінің басшысы Н.Тұрашев баяндама жасады

Күн тәртібіндегі қалған мәселелер бойынша Мақтаарал ауданының Қоғамдық кеңесінің төрағасы М.Ердешов баяндама жасады

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next