«Мықты азаматтық қоғам – мықты мемлекет» облыстық форум

31 қазанда Ақтөбе облысында үкіметтік емес ұйымдардың қатысуымен «Мықты азаматтық қоғам – мықты мемлекет» тақырыбында облыстық форум өтті.

Шараға Ақтөбе қаласы әкімінің орынбасары Қайрат Қуантайұлы, қалалық мәслихат төрағасы Анар Даржанова, «Ақтөбе қалалық мүгедектер қоғамы» қоғамдық бірлестігінің басшысы Вазих Ахтаев, Ақтөбе қаласының Қоғамдық кеңесінің мүшелері - Салтанат Кенжібекова «РАСтемка» Ақтөбе облысы бойынша аутизмі бар балалардың ата-аналары қауымдастығы»  қоғамдық бірлестігінің төрағасы және Алма Сапар «Arnau A.S» жеке қорының директоры қатысты.

Аталған шара барысында белсенді үкіметтік емес ұйым өкілдеріне ҚР Мәдениет және ақпарат министрлігінің, облыс әкімінің алғыс хаттары табысталды.

Конференция қатысушыларына облыс аумағындағы маңызды әлеуметтік жобалардың презентациялары ұсынылып, бірқатар өзекті мәселелер талқыланды. Қазіргі уақытта облыста 800-ден астам үкіметтік емес ұйымдар заңды түрде тіркелген. Оның 150-ге жуығы белсенді жұмыс жасап, мемлекеттік әлеуметтік тапсырыс және гранттар аясында маңызды әлеуметтік жобаларды жүзеге асырып жатыр.

Фото

Previous Next