Полиция департаментінің басшысын тыңдау туралы

Облыстық қоғамдық кеңестің отырысында облыс полиция департаменті басшысының орынбасары, полиция полковнигі С.Жанпейісовтың азаматтардың құқықтары мен бостандықтарының заңдылығын және сақталуын қамтамасыз ету туралы ақпараты тыңдалды. Қоғамдық кеңестің жұмысына облыс әкімінің орынбасары А.Маликова, облыстық мәслихаттың төрағасы И.Теренченко, облыс прокуратурасының сотқа дейінгі тергеп-тексерудің және қылмыстық қудалаудың заңдылығын қадағалау басқармасының прокуроры Е.Жұмаш, Павлодар облысының қылмыстық-атқару жүйесі департаменті бастығының міндетін атқарушы М.Әшімов, облыс білім беру басқармасы басшысының орынбасары Р.Ақанова, «Павлодар облысының тұтынушылар одағы» қоғамдық бірлестігінің бөлім бастығы Ю.Павленко қатысты. Қоғамдық кеңестің мүшелері С.Абдраманова, В.Берковский, Ю.Дубовицкий, Е.Жанғазы, В.Левченко, М.Регатунова, Б.Файзулин өз баяндамаларында жасөспірімдер қылмысына, профилактикалық есепте тұрған кәмелетке толмағандарға жоғары курс студенттерін бекіту туралы, әрбір мектепте өзінің кәмелетке толмағандар жөніндегі инспекторын ұстау туралы, жол полициясы қызметкерлерін және басқа да жауапты адамдарды есірткінің барлық ықтимал түрлерін анықтау үшін заманауи экспресс-тесттермен қамтамасыз ету туралы, ауылдық елді мекендердегі полиция учаскелік қызметкерлерінің жұмысы туралы, тұрмыстық зорлық-зомбылықтың алдын алу үшін шаралар кешенін қабылдау туралы мәселелеріне назар аударды. Өткізілген отырыстың қорытындысы бойынша мемлекеттік органдарға ұсынымдар берілді.

Фото

Previous Next