Павлодар облысында бұқаралық спорт пен туризмді дамытудың проблемалық мәселелері туралы

Н.Нәбиевтің төрағалығымен өткен облыстық Қоғамдық кеңестің отырысында Павлодар облысында спорт пен туризмді дамытудағы проблемалық мәселелер қаралды. Қоғамдық кеңестің жұмысына облыс әкімінің орынбасары А.Маликова, облыстық мәслихаттың төрағасы И.Теренченко, облыс прокуратурасының қоғамдық мүдделерді қорғау басқармасының аға прокуроры А.Мищенко, облыс дене шынықтыру және спорт басқармасының басшысы Д.Ергабулов, облыс кәсіпкерлік және индустриялық-инновациялық даму басқармасы басшысының орынбасары Р.Кокишев, «Қаздар қонысы» бойынша жетекші маман, мәдениеттану кандидаты, Ә.Марғұлан атындағы ППУ профессоры, «Qazaqgeography» РҚБ Басқармасы төрағасының орынбасары В.Алиясова қатысты. Жастарды қолдау және спортты дамыту жөніндегі комиссиясымен осы мәселені дайындау барысында әлеуметтік сауалнама жүргізілді, ресми сайттар мен әлеуметтік желілердегі ақпарат зерделенді, бейінді басқармалардан ресми ақпарат сұралды, Торайғыров университетінің басшылығымен бірлесіп «Туризм мен бұқаралық спортты дамыту перспективаларын талқылау» тақырыбында дөңгелек үстел отырысы өткізілді. Отырысқа дене шынықтыру және спорт, кәсіпкерлік және индустриялық-инновациялық даму басқармаларының басшылары, Торайғыров университетінің және Ә. Марғұлан атындағы Павлодар педагогикалық университетінің туризмді дамыту жөніндегі жетекші ғылыми қызметкерлері, Павлодар облысының Кәсіпкерлер палатасының және туроператорларының өкілдері шақырылды. Комиссия мүшесі О.Николашин қоғамдық кеңес мүшелерін алынған ақпарат пен қоғамдық мониторингті талдаумен таныстырды, талқылауға әзірленген ұсыныстарды енгізді. Өткізілген отырыстың қорытындысы бойынша Павлодар облысының әкімдігіне ұсынымдар берілді.

Фото

Previous Next