Қоғамдық кеңестің кезекті жиналысы.

           Қараша айында Келес аудандық Қоғамдық кеңесі бекітілген ағымдағы жылдың жоспарына сәйкес кезекті отырысы Келес аудандық әкімі аппаратының кіші мәжіліс залында өтті. Жиынды аудандық Қоғамдық кеңестің төрағасы Е. Абишев ашып, жүргізді.

Отырыстың күн тәртібінде бірқатар маңызды мәселелер қарастырылды. Алдымен №13 колледж директоры Жақсылық Қозыбаевтың 2023–2024 оқу жылындағы жұмыс қорытындылары бойынша есеп берді. Бұдан кейін Келес ауданы әкімдігінің «Орталықтандырылған кітапханалар жүйесі» коммуналдық мемлекеттік мекемесінің директоры Ғалия Манахова, жер қатынастары бөлімінің басшысы Абай Молданов, сондай-ақ Ұшқын ауылдық округінің әкімі Олжас Саттаров 2024 жылдың 9 айы ішінде атқарылған жұмыстары жайында баяндама жасады.

Жиын барысында Ұшқын ауылдық округінің әкімі О. Саттаров пен Келес аудандық жер қатынастары бөлімінің басшысы А. Молдановтың есептері толық емес деп сынға алынды. Кеңес мүшелері олардың болашақта бұл қателіктерін түзетіп, алдағы болатын есебіне мәліметтерді қосып жазуын ескертті.

Сонымен қатар Қоғамдық кеңес мүшелері Келес аудандық орталық кітапханалар жүйесінің директоры Ғ. Манахова мен №13 колледж директоры Ж. Қозыбаевтың бір жыл ішінде атқарған жұмыстары назарға алынды.

Бұл жиын Келес ауданының қоғамдық және әлеуметтік салаларын жақсартуға бағытталған маңызды қадамдардың бірі ретінде қорытындыланды.

Фото

Previous Next