Қазкеңес жаңалықтары

МАҚТААРАЛ АУДАНЫНЫҢ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

Бүгін, 2024 жылғы 05 желтоқсан күні аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңестің мүшелері, Мақтаарал аудандық полиция бөлімі басшысының орынбасары полиция подполковнигі Қ.Сатыбалдиев, Мақтаарал аудандық мемлекеттік кірістер басқармасының басшысы Ж.Піләлов, Мақтаарал аудандық білім бөлімі басшысының міндетін уақытша атқарушы Қ.Арап және Мақтаарал ауданының жұмыспен қамту және әлеуметтік бағдарламалар бөлімінің басшысы Н.Елшібаев қатысты.

Күн тәртібіне келесі мәселелер енгізілді:

1.«Аудандық полиция бөлімінің аудандағы қоғамдық тәртіп пен қылмысқа қарсы күресті нығайту жұмыстары туралы» Мақтаарал аудандық полиция бөлімі басшысының есебі;

2.«Аудандық кірістер басқармасының 2024 жылдың қорытындысы бойынша атқарған жұмыстары туралы» Мақтаарал аудандық мемлекеттік кірістер басқармасы басшысының есебі;

3.«Қазақстан Республикасының білім беруді дамытудың мемлекеттік бағдарламасына сәйкес Мақтаарал аудандық білім бөлімінде атқарылып жатқан жұмыстары туралы» Мақтаарал аудандық білім бөлімі басшысының есебі;

4.«Мақтаарал ауданының жұмыспен қамту және әлеуметтік бағдарламалар бөлімі» мемлекеттік мекемесінің «Замандастар және Ten Qogam» әлеуметтік қызметтер көрсету орталығы коммуналдық мемлекеттік мекемесінің Жарғысын бекіту туралы» Мақтаарал ауданы әкімдігінің қаулы жобасы;

5.«Мақтаарал ауданының жұмыспен қамту және әлеуметтік бағдарламалар бөлімі» мемлекеттік мекемесінің «Мейірім-Шапағат» күндіз болу орталығы коммуналдық мемлекеттік мекемесінің Жарғысын бекіту туралы» Мақтаарал ауданы әкімдігінің қаулы жобасы;

Күн тәртібіндегі бірінші мәселе бойынша Мақтаарал аудандық полиция бөлімі басшысының орынбасары полиция подполковнигі Қасымхан Өмешұлы Сатыбалдиев баяндама жасады.

Күн тәртібіндегі екінші мәселе бойынша Мақтаарал аудандық мемлекеттік кірістер басқармасының басшысы Піләлов Жомарт Үсенұлы баяндама жасады.

Күн тәртібіндегі үшінші мәселе бойынша Мақтаарал аудандық білім бөлімі басшысының міндетін уақытша атқарушы Қайрат Арап баяндама жасады.

Күн тәртібіндегі төртінші және бесінші мәселелер бойынша Мақтаарал ауданының жұмыспен қамту және әлеуметтік бағдарламалар бөлімінің басшысы Нұрғали Елшібаев баяндама жасады.

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото