Интернет-алаяқтықтың алдын алу туралы

Н.А.Нәбиевтің төрағалығымен өткен облыстық Қоғамдық кеңес төралқасының отырысында қазіргі қоғамның өзекті тақырыптарының бірі - интернет-алаяқтық туралы мәселесі қаралды. Отырыс жұмысына облыстық мәслихаттың төрағасы И.Теренченко, облыс әкімі аппараты басшысының орынбасары Б.Қапенов, Павлодар облысының Полиция департаменті бастығының орынбасары, полиция подполковнигі С.Жанпейісов, Павлодар облысы прокуратурасының сотқа дейінгі тергеп-тексерудің және қылмыстық қудалаудың заңдылығын қадағалау басқармасының прокуроры Д.Рамазанов, Павлодар облысы бойынша Экономикалық тергеу департаменті басшысының міндетін атқарушы, Экономикалық тергеу қызметінің полковнигі Г.Қасымов, облыстың ақпарат және қоғамдық даму басқармасы басшысының орынбасары А.Раисова, Халық және Kaspi банктерінің өкілдері қатысты. Павлодар облысының Полиция департаменті Криминалдық полиция басқармасының киберқылмысқа қарсы күрес бөлімінің бастығы, полиция подполковнигі Р.Жанаттың жұртшылықпен серіктестікте интернет-алаяқтықтың алдын алу туралы баяндамасы тыңдалды. Қоғамдық кеңес мүшелері С.Абдраманова, В.Берковский, Е.Жанғазы, К.Кеңесбаев, Г.Қазылова, Б.Майкотов, Н.Нәбиев, М.Регатунова, С.Садвакасов, Б.Файзулин интернет кеңістігінде қылмысқа қарсы күрес бойынша қолданыстағы нормативтік-құқықтық актілерге өзгерістер енгізу, қаржыландыруды, тергеушілердің штат санын ұлғайту, жоғары білікті IT-мамандарды тарту, бұқаралық ақпарат құралдарында және әлеуметтік желілерде ақпараттық хабарламалар жариялауды күшейту қажеттігі туралы атап айтты. Өткізілген отырыстың қорытындысы бойынша Полиция департаментіне және атқарушы мемлекеттік органдарына ұсынымдар берілді.

Фото

Previous Next