ИНДЕР АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

           2024 жылдың 09 желтоқсан күні аудандық Қоғамдық кеңестің кезекті отырысы өтті. Кеңес отырысына аудан әкімінің орынбасары А.Т.Мурзин, аудандық мәслихат төрағасы А.М.Рамазанов, кент, округ әкімдері мен тиісті мекеме басшылары, баспасөз өкілі қатынасты. Кеңестің күн тәртібінде төмендегі мәселелер тыңдалды:  

         Есбол ауылдық округіндегі жергілікті қоғамдастық жұмыстарының нәтижесі туралы Есбол ауылдық округінің әкімі А.Т.Тілекқабылдың баяндамасы, аудан бойынша пошта тасымалының жәй-күйі туралы Индер аудандық пошта торабының бастығы Н.Т.Габбасованың, Индер ауданы әкімдігінің 2023 жылғы 12 қаңтардағы № 7 «Индер ауданының елді мекендерінде бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» қаулысына өзгерістер енгізу туралы аудандық тұрғын үй-коммуналдық шаруашылығы, жолаушылар көлігі, автомобильдер жолдары және тұрғын үй инспекциясы  бөлімінің басшысы Ш.А.Габбасовтың  хабарламалары және аудандық Қоғамдық кеңестің 2025 жылға арналған жұмыс жоспарын бекіту туралы мәселе тыңдалып, талқыланды.

         Қоғамдық кеңес мүшелелері тыңдалған мәселелерге қатысты сұрақтарын қойып, ұсыныс-пікірлерін білдірді.

Фото

Previous Next