Қазкеңес жаңалықтары

2024 жылдың 4 желтоқсан күні Қызылорда қалалық Қоғамдық кеңесінің кезектен тыс отырысы өтті.

2024 жылдың 4 желтоқсан күні Қызылорда қалалық Қоғамдық кеңесінің кезектен тыс отырысы өтті.

Отырысқа қала әкімінің аппарат басшысы, қала әкімдігінің дербес бөлімдерінің басшылары, «Автобус паркі» жауапкершілігі шектеулі серіктестігінің сала мамандары және бұқаралық ақпарат құралдарының өкілдері қатысты.

Қоғамдық кеңестің күн тәртібіне «2024-2026 жылдарға арналған қалалық бюджетке өзгерістер енгізу туралы», «2025-2027 жылдарға арналған қалалық бюджет туралы», «2024-2026 жылдары субсидиялауға жататын Қызылорда қаласының әлеуметтік маңызы бар қатынастарының тізбесін айқындау туралы», «Қызылорда қаласының 2025-2029 жылдарға арналған Тұрмыстық қалдықтарды басқару бағдарламасын бекіту туралы» мәселелер шығарылды.

Аталған мәселелер бойынша қалалық экономика және қаржы бөлімінің басшысы Г.Баймаханова, қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы М.Әбсұлтанов хабарлама жасап, қоғамдық кеңес мүшелері тарапынан қойылған сауалдарға жауап берді.

​ Отырыс барысында, кеңес мүшелері Ж.Садвакасова ауылдық елді мекендердегі білім ұйымдарының жылу жүйелерін табиғи газға қосу, тұрмыстық қатты қалдықтарды сұрыптау мәдениетін БАҚ арқылы халыққа кеңінен түсіндіру, С.Дүйсенбаев Жанқожа батыр көшесі арқылы алдағы уақытта салынатын теміржол өткелінің сапалы салынуын бақылау, С.Алдашбаев сұрыпталған тұрмыстық қатты қалдықтарды өңдейтін өндіріс орындарын ашу, Тасбөгет кентіндегі кәріз су қалдықтарынан пайда болған көлшіктер мәселесін шешу, Б.Төлеген қала ішінде елеусіз қалып қойған қысқа және тұйық көшелерге жөндеу, жарықтандыру жұмыстарын жүргізу, қатты қалдықтарды қабылдайтын полигон аумақтарын күтіп ұстау, қалдықтарды өртеуге жол бермеу, А.Шаукенбаев кеңейту жұмыстары жүргізіліп жатқан Тәуелсіздік көшесіндегі бағдаршамдарды ретке келтіру туралы мәселелерін ұсынды.

Отырысқа қалалық Қоғамдық кеңестің төрағасы С.Дүйсенбаев төрағалық етті.

Фото