ҚР Энергетика министрлігінің Отын-энергетикалық кешен мәселелері жөніндегі қоғамдық кеңестің жылдық қорытынды отырысы өтті

2024 жылғы 20 желтоқсанда Қазақстан Республикасы Энергетика министрлігінде Энергетика министрі Алмасадам Сәтқалиевтің төрағалығымен отын-энергетика кешені мәселелері жөніндегі Қоғамдық кеңестің кезекті отырысы өтті. 

Отырыста шикі газды өндіру болжамына, тауарлық газды өндіруге, газ транзитіне, сондай-ақ тұтынушылар үшін сұйытылған мұнай газының бағасын есептеу әдіснамасын қалыптастыру кезінде қағидаттарды бекітуге қатысты түйінді мәселелер қаралды. Кеңес мүшелеріне Энергетика министрлігінің жаңа технологиялар мен техниканы қолдана отырып, тауарлық газ ресурстарын ұлғайту бағытындағы жұмысы туралы егжей-тегжейлі ақпарат берілді, бұл елдің газ саласының тұрақты жұмыс істеуін қамтамасыз етуге мүмкіндік береді.

Сонымен қатар, отырыста Мемлекет басшысы Қасым-Жомарт Тоқаевтың газ саласының инвестициялық тартымдылығын арттыруға қатысты тапсырмасын орындау бойынша Энергетика министрлігінің есебі тыңдалды.

Фото

Previous Next