2025-2027 жылдарға арналған Сәтбаев қаласының бюджет жобасын қарау

23 желтоқсанда С.Имамбайдың төрағалығымен өткен қалалық Қоғамдық кеңестің отырысында 2025-2027 жылдарға арналған қалалық бюджет жобасы талқыланды. Жиынға Сәтбаев қаласы әкімінің орынбасарлары мен жауапты бөлім басшылары қатысты. Сәтбаев қалалық мәслихатының «2025-2027 жылдарға арналған қалалық бюджет туралы» шешімінің жобасымен «Сәтбаев қаласының экономика және қаржы бөлімі» ММ басшысы А.М.Қожахметов таныстырды. «Сәтбаев қаласының экономика және қаржы бөлімі» ММ басшысы А.М. Қожахметов келесі жылдың бюджетінде қала үшін маңызды мәселелерді шешуге қаражат бөлінетінін атап өтті. Ұсынылған жобада көрсетілгендей, әлеуметтік, қоғамдық-саяси, мәдени-сауықтыру салаларында халықтың кең топтарынның атаулылығын және қамтылуын қамтамасыз етуге баса назар аударылды. Тұрғын үй-коммуналдық шаруашылық саласында қаланың абаттандыру, көпқабатты үйлердің қасбеттері мен шатырларын ағымдағы жөндеу, санитарлық тазалау, жолдарды ағымдағы жөндеу, балалар ойын алаңдарын жаңарту жұмыстары жалғасатын болады. Құрылыс саласында кезектілікті төмендету үшін 3 несиелік тұрғын үйдің құрылысын аяқтау жоспарланып отыр. Қоғамдық кеңес мүшелері бюджетті тиімді жоспарлау және оны пайдалану бойынша бірқатар мәселелер бар екенін атап өтті.Қойылған сұрақтарға «Сәтбаев қаласының экономика және қаржы бөлімі» ММ басшысы және бюджеттік бағдарламалар әкімшілері жауап берді. Ұсынылған бюджет жобасы айтылған ескертулер мен ұсыныстарды ескере отырып, мақұлданды.

Фото

Previous Next