ЖАМБЫЛ ОБЛЫСТЫҚ ҚОҒАМДЫҚ КЕҢЕСІ ЖЫЛДЫ ҚОРТЫНДЫЛАДЫ

ЖЫЛ ҚОРТЫНДЫСЫ: АТҚАРЫЛҒАН ІС АЗ ЕМЕС 
 
ҚОҒАМДЫҚ КЕҢЕС ҚЫЗМЕТТЕРІНІҢ НӘТИЖЕЛЕРІ

Жамбыл облыстық Қоғамдық кеңесі өз қызметін Қазақстан Республикасының «Қоғамдық кеңестер туралы» 2015 жылы 2 қарашадағы Заңы, «Қоғамдық кеңес туралы үлгілік ережені бекіту туралы» Қазақстан Республикасы Ақпарат және қоғамдық даму министрінің 2021 жылғы 26 ақпандағы № 69 бұйрығы, «Қоғамдық бақылауды ұйымдастыру мен жүргізу қағидалары» туралы Қазақстан Республикасы Ақпарат және қоғамдық даму министрінің 2021 жылғы 26 ақпандағы № 73 бұйрығы негізінде жүргізеді.

2024 жылғы 11 сәуірдегі №15 хаттамаға сәйкес Қоғамдық кеңестің шешімімен бекітілген 3-ші құрамда 31 адам бар. Оның ішінде, мемлекеттік органдардың өкілдері - 3 (9,6%, үкіметтік емес ұйымдар өкілдері - 5 (16,1 %, жергілікті мәслихат депутаттары - 4 (12,9 %), бизнес - құрылым өкілдері - 5 (16,1 %,қоғам қайраткерлері - 8 (25,8 %, бюджеттік сала өкілдері - 5 (16,1 %), БАҚ өкілдері - 1(3,2 %), гендерлік құрам: әйелдер - 7 (22,5 %, жасы бойынша: 35 жасқа дейін - 2 адам (6,4 %); 35 жастан 59 жасқа дейін - 15 адам (48,3 %); 60 жастан асқан - 14 адам (45,3 %).

Қоғамдық кеңестің қызметін жүзеге асыру тәртібіне сәйкес Қоғамдық кеңестің қызметіне басшылықты жедел жүзеге асыру үшін сайланған Қоғамдық кеңес төралқасының құрамына Қоғамдық кеңестің төрағасы, мемлекеттік органның, квазимемлекеттік сектор субъектісінің уәкілетті өкілі, Қоғамдық кеңес комиссияларының төрағалары және жекелеген мүшелері кіреді, барлығы 8 адам. (М.Абдраимов, А.Карентаев, Р.Рахманбердиев, Б.Құлекеев, К.Әбілеков, Д.Ташқараев, А.Карашев, М.Мамышев).

Есепті кезеңде Қоғамдық кеңестің төралқасы кеңес комиссияларының жұмысын үйлестірді, кеңес отырыстарын өткізуге дайындықты ұйымдастырды, кеңестің қызметін ақпараттық қолдауды қамтамасыз етті, кеңес ұсынымдарының орындалуына мониторинг жүргізді.

Қызмет бағыттары бойынша құрылған комиссиялар:
1. Бюджет, қаржы, жергілікті өзін - өзі басқару, кәсіпкерлік, құрылыс, жолаушылар көлігі және автомобиль жолдары, тұрғын үй-коммуналдық шаруашылық жөніндегі комиссия (төрағасы Б.Құлекеев )
2. Агроөнеркәсіп кешендері, су, табиғат, жер ресурстарын пайдалану, техногенді жағдайлардың алдын алу, азық-түлік қауіпсіздігі жөніндегі комиссия (төрағасы К.Әбілеков)
3. Білім, денсаулық, спорт, жастар саясаты және халыққа мемлекеттік қызмет көрсету сапасы жөніндегі комиссия (төрағасы Р.Рахманбердиев)
4. Қоғамдық тәртіпті сақтау, азаматтардың бостандықтарын, құқықтарын қорғау және қоғамдық, үкіметтік емес ұйымдар, квазимемлекеттік құрылымдармен байланыс жөніндегі комиссия (төрағасы Д.Ташқараев).

Қоғамдық кеңестің 2024 жылға арналған жұмыс жоспарына сәйкес кеңес мүшелерінің қатысуымен 51 отырыс өткізілді. Заңның 5-бабына сәйкес Қоғамдық кеңестерге бекітілген өкілеттіктер аясында кеңес отырыстарында бюджеттік бағдарламалар әкімшісінің бюджеттік бағдарламаларының жобалары, мемлекеттік органдардың даму жоспарлары, облыстың даму жоспары, қоршаған ортаны қорғау жөніндегі іс-шаралар жоспарларының жобалары талқыланып, аталған жоспарлардың орындалуына талқылау жүргізілді.

 ҚР Мемлекеттік қызмет істері агенттігі Жамбыл облысы бойынша департаментінің ұсынысымен мемлекеттік көрсетілетін қызметтердің сапасы туралы мемлекеттік органдардың жұмыс нәтижелері туралы есептері тыңдалып, есепті тыңдаудың нәтижелері бойынша қарар қабылданды, бақыланатын органдардың қызметі бағаланып, мемлекеттік органдардың қызметін жетілдіру жөніндегі ұсыныстар берілді. Мемлекеттік көрсетілетін қызметтердің сапасы туралы басқарма басшыларының есептері талқыланып, 4 есепті тыңдау өткізілді (денсаулық сақтау, білім, жұмыспен қамтуды үйлестіру және әлеуметтік бағдарламалар,  мәдениет және тілдерді дамыту басқармаларының есептері).

 Облыс әкімі аппаратының мемлекеттік көрсетілетін қызметтерді мониторингілеу бөлімінің басшысы Ғ.Боранбаеваның жалпы көрсеткіштер, мемлекеттік көрсетілетін қызметтер бойынша бағалау көрсеткіштері, қоғамдық мониторинг қорытындысы, мерзім бұзу фактілер, ішкі бақылау жұмыстары, мемлекеттік қызметтер көрсету саласындағы заңнаманың сақталуы бойынша бақылау шаралары, «сервистік әкімдіктер», профилактикалық жұмыстар жөніндегі есептері тоқсан сайын тыңдалып, мемлекеттік қызметтердің сапасын жетілдіру жөніндегі ұсыныстар берілді.

Есепті кезеңде Қоғамдық кеңес отырыстарында жүргізілген қоғамдық бақылау нысандары бойынша жұмыс нәтижелері негізінде мемлекеттік органдарға барлығы 107 ұсынымдар жолданды. Кеңес ұсынымдарының орындалуына кеңестің төралқасы тарапынан мониторинг жүзеге асырылды.
«Құқықтық актілер туралы» ҚР Заңына сәйкес кеңес мүшелері азаматтардың құқықтарына, бостандықтары мен міндеттеріне қатысты нормативтік-құқықтық актілердің жобаларын әзірлеуге және талқылауға қатысты. Есепті кезеңде отырыстарда облыс әкімдігінің 9 басқармасы  әзірлеген барлығы 53 қаулы, шешім жобалары талқыланып, қаулы жобаларын талқылау бойынша білім басқармасына 6 ұсыным, табиғи ресурстар және табиғат пайдалануды реттеу басқармасына 2 ұсыным берілді.

 Қоғамдық кеңес туралы үлгілік ережеге сәйкес мемлекеттік органның немесе өңірдің тиісті қызмет саласының қоғамдық маңызы бар мәселелері бойынша жеке және заңды тұлғалардың 8 жолданымы қаралды. Атап айтқанда, Тараз қаласы Баженов көшесі тұрғындарының №57 қоғамдық көліктің жүру қозғалысын өзгерту туралы өтініші, Тараз қаласының тұрғыны А.Абсатаровтың марапаттауға ұсыну туралы өтініші, қалалық мәдениет  үйі аумағындағы паркті абаттандыру туралы тұрғындардың өтініші, Талас ауданы, Үшарал ауылдық округі тұрғындарының спорт мектебін ашу туралы өтініші, Жамбыл ауданы, Бектөбе ауылы Амангелді атындағы орта мектептің мұғалімі С.Майкенованың өтініші, М.Х.Дулати атындағы Тараз университетінің ақылы негізде оқитын білім алушысының өтініші, «Жамбыл облыстық омарташылар ассоциациясы» ЖШС арызы бойынша орта мектептерде оқушыларға бал өнімдерін тамаққа қосу мәселесі туралы өтініші, «Ардагерлер ұйымы»  республикалық қоғамдық бірлестігінің Жамбыл облыстық филиалының төрағасы Е.Солтыбаевтың өтініші, азаматтық қоғам белсендісі Амантай Досмаханбетұлының той өткізу мәдениетін жетілдіру туралы өтініші қарастырылып, тиісті жұмыстар жүргізілді.

Мемлекеттік органдардың, квазимемлекеттік сектор субъектілерінің шешімдер қабылдау процесіне азаматтық қоғамның қатысу мүмкіндігін кеңейту мақсатында қоғамдық бақылау жүзеге асырылды. Жұмыс жоспары бойынша білім басқармасы, жұмыспен қамтуды үйлестіру және әлеуметтік бағдарламалар, жолаушылар көлігі және автомбиль жолдары басқармаларына қоғамдық мониторинг жүргізілді. Аталған басқармаларда жүргізілген қоғамдық мониторинг нәтижелері бойынша жасалған қорытындыда мемлекеттік қызметтер көрсету нәтижесінде азаматтар үшін анықталған жағымсыз салдарлар туралы және қоғамдық мүдделерге қысым жасалғаны туралы ақпарат көрсетіліп, Қоғамдық кеңес қабылдаған ҚР Заңнамасының бұзушылықтарына қоғамдық мониторинг барысында анықталған себептер мен жағдайларды жою жөніндегі ұсынымдар тиісті мемлекеттік органдарға жіберілді.

 Жамбыл ауданы кәсіпкерлерінің «Жанұялық бақтар» бағдарламасы бойынша қоғамдық сараптама жүргізу туралы Қоғамдық кеңеске жолдаған өтінішхаты бойынша қоғамдық сараптама ұйымдастырылып, жүргізілді. Кеңес отырысында қабылданған тапсырма бойынша қоғамдық бірлестіктер құрған сараптама комиссиясы жеке және заңды тұлғалардың құқықтары мен заңды мүдделерін сақтау тұрғысынан мемлекеттік органдардың қабылдаған шешімдеріне сараптама жүргізіп, қорытынды жасады.

 ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша департаментінің  Превенция басқармасымен бірлесе білім беру саласында бюджет қаражатын жоспарлау және игеру саласындағы ұсынымдарды іске асыру мәселесі жөніндегі ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің 16.02.2024ж. №20-3-1-10/955 хаты туралы Жамбыл облысы әкімдігінің білім басқармасы басшысының орынбасары К.Жангожаеваның, «Қазсушар» РММ Жамбыл облыстық филиалы бойынша 4 проблемалық құрылыс объектілері туралы филиал директоры А.Қадыровтың ақпараты, «Жайлы мектеп» ұлттық жобасына қатысты проблемалық мәселелер туралы «Самрук-Казына Construction» АҚ Жамбыл облысы бойынша өңірлік басшысы Қ.Мұратбековтің ақпараты тыңдалып, кеңес мүшелері тарапынан ұсынымдар қабылданды.
ҚР Мәдениет және ақпарат министрлігі әзірлеген қоғамдық кеңестер жұмысының тиімділігін арттыру мен олардың мүшелерінің белсенділігін көтеру мақсатында  Барлық деңгейдегі қоғамдық кеңес мүшелерінің мінез-құлқының этикалық нормалары негізінде «Жамбыл облыстық Қоғамдық кеңес мүшелерінің мінез-құлқының этикалық нормалары» жобасы дайындалып, қабылданды.

 ҚР Мәдениет және ақпарат министрлігінің Азаматтық қоғам істері комитетінің «Барлық деңгейдегі Қоғамдық кеңестер үшін Азаматтарға арналған қоғамдық консультацияларды ұйымдастыру және  өткізу бойынша ұсынымдарына» сәйкес қажетті жұмыстар жүргізіліп, әлеуметтік желілерде жарияланған тоқсанына бір рет қоғамдық консультациялар өткізу кестесіне сәйкес, қоғамдық сараптама, нормативтік құқықтық актілерді түсіндіру бойынша азаматтарға кеңестер берілді.  

ҚР Мәдениет және ақпарат министрлігі бекіткен нысандар және барлық деңгейдегі қоғамдық кеңестердің қызметін жандандыру жөніндегі іс-қимыл жоспарының 8,9 тармақтары бойынша Қоғамдық кеңестің қызметтері туралы ақпараттар тоқсан сайын дайындалып, ақпарат және қоғамдық даму басқармасына жіберілді.  

Қоғамдық кеңес Төралқасының отырыстары, Төралқаның кеңейтілген отырыстары, кеңестің жоспарлы отырыстарының күн тәртібінде қарастырылған мәселелер, кеңес комиссиялары және мониторингтік топтар мүшелерінің атқарған жұмыстары туралы Қоғамдық кеңестердің қызметіне арналған бірыңғай портал-KAZKENES.KZ сайтында 50 жазба, inbusiness.kz республикалық сайтында 2 жазба жарияланды. Аталған сайтта Қоғамдық кеңестің 3-шақырылымындағы жасақталған құрамы туралы деректер базасы талаптарға сәйкес қайта толықтырылды.

Қоғамдық кеңестің  FACEBOOK әлеуметтік желідегі парақшасында 96 жазба, «AQ JOL», «Знамя труда» Жамбыл облыстық қоғамдық-саяси газеттері, «AR-AI» облыстық қоғамдық-саяси және жастар газеті, барлығы  БАҚ беттерінде 34 мақала жарияланды. Қоғамдық кеңестің жоспарға сәйкес атқарған жұмыстары туралы JAMBYL TV өңірлік телеарнасы арқылы 31 сюжет көрсетіліп,  жұртшылық  назарына жеткізілді.

 Қоғамдық кеңестің қызметін ұйымдастырушылық қамтамасыз етуде Жамбыл облыстық мәслихаты тарапынан жан-жақты қолдау көрсетілуде. Кеңес отырыстарын өткізуге қажетті №200 мәжіліс залы арнайы офистік жиһаздармен жабдықталды. Қоғамдық кеңестің құрамы, тарихы, мониторингтік топтардың жұмыстары туралы ақпараттық стендтер әзірленді.

 Жамбыл облыстық Қоғамдық кеңесі алдағы уақытта да «Қоғамдық кеңестер туралы» ҚР Заңына сәйкес азаматтық қоғамның қоғамдық маңызды мәселелер бойынша пікірін білдіру мақсатында  жергілікті деңгейлерде шешімдерді талқылау мен қабылдау кезінде жұртшылықтың пікірін ескеру, жергілікті мемлекеттік басқару және өзін-өзі басқару органдарының, сондай-ақ квазимемлекеттік сектор субъектілерінің азаматтық қоғаммен өзара іс-қимыл жасауын дамыту және  қоғамдық бақылауды ұйымдастыру барысында олардың қызметінің ашықтығын қамтамасыз ету міндеттерін тәуелсіздік, автономдық, дербестік, жариялылық қағидаттары негізінде жүзеге асыратын болады.

Фото

Previous Next