Бүгін Бөрлі ауданының Қоғамдық кеңесінің отырысы кеңес төрағасы Ә.Бектұрғановтың төрағалығымен өтті.

Бүгін Бөрлі ауданының Қоғамдық кеңесінің отырысы кеңес төрағасы Ә.Бектұрғановтың төрағалығымен өтті. Кеңес отырысына аудан әкімі Е.Ихсанов, мәслихат төрағасы К.Ермекбаев, аудан әкімінің орынбасарлары,аппарат басшысы, бөлім басшылары, ауылдық округ әкімдері мен бұқаралық ақпарат құралдарының өкілдері қатысты.

Кеңес отырысында аудан әкімі Е.Ихсановтың  "Бөрлі ауданының әлеуметтік - экономикалық дамуы бойынша есебі" тыңдалды.     Мәслихат төрағасы К.Ермекбаевтың "Бөрлі аудандық мәслихатының жұмысы туралы" және Қоғамдық кеңес төрағасы Ә.Бектұрғановтың "Бөрлі ауданының Қоғамдық кеңесінің жұмысы туралы" баяндамалары тыңдалды.

Сонымен қатар, ТҮКШЖК және АЖ бөлімінің басшысы Б.Карагойшиннің "Бөрлі ауданы жолаушыларының жекелеген санаттарының қала ішіндегі қоғамдық көлікте (таксиден басқа) жеңілдікпен жол жүруі туралы" қаулы жобасы қаралып, кеңес мүшелері тарапынан сұрақтар қойылды.  Айта кетсек, Жарсуат ауылына байланысты жолаушылар тасымалы, зейнеткерлерге арналған жол жүру ақысының жеңілдіктері, Ақсай -Орал бағытындағы такси тұрағы секілді сұрақтар қойылып жауаптар алынды. Келесі мәселе "Бөрлі ауданы бойынша 2025-2029 жылдарға арналған жайылымдарды басқару және пайдалану жоспары туралы" аудандық жер қатынастары бөлімінің басшысы И.Габидуллин баяндама жасап,кеңес мүшелері шешім жобасына өздерінің келісімін берді. Сонымен қатар кеңес мүшелері 2025 жылға арналған Бөрлі ауданының Қоғамдық кеңесінің жұмыс жоспарын бекітті.

Отырыс соңында Қоғамдық кеңес құрамының өкілеттігінің аяқталуына байланысты азаматтық қоғамның мүдделерін білдіріп, аудандық деңгейде шешімдерді талқылап, ауданымыздың әлеуметтік- экономикалық дамуына үлестерін қосқаны үшін кеңес мүшелері аудан  әкімі Е.Ихсанов пен мәслихат төрағасы К.Ермекбаевтың Алғыс хатымен  марапатталды.

Фото

Previous Next