ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ АЛҒАШҚЫ ОТЫРЫСЫ

      Қоғамдық кеңестің 2025 жылдың алғашқы жиыны өтті.  Отырысты кеңес төрағасы Бұхар Оралбеков ашып, жүргізіп отырды.  
 
      Күн тәртібіндегі бір мәселе бойынша «Төлеби ауданындағы кітапханаларда атқарылып жатқан жұмыстардың барысы туралы» Төлеби аудандық орталықтандырылған кітапханалар жүйесі КММ-сі директорының м. а. Р.Абдрахманова есеп берді. Қалалық, ауылдық округ кітапханалардың жұмыстарын, ондағы кітап қорларын, жоспарға сәйкес өткізіліп жатқан іс-шаралары мен жетістіктері, ғимараттардың жағдайлары жайында толыққанды баяндама жасады. 

     Қоғамдық кеңестің мүшесі Ғ.Мырзалы аудандағы кітапханаларға қоғамдық мониторинг жүргізіп, зерделегені бойынша қосымша хабарлама жасады. Кейбір сын көтермейтін ғимараттарды жөндеуден өткізу, техникалық базаларын жаңарту, халық көп шоғырланған елді мекендерге кітапхана ашу мәселесін көтерді, басқа да кеңес мүшелері өз ой-пікірлерін ортаға салды.

     Төлеби ауданының мәдениет, тілдерді дамыту, дене шынықтыру және спорт бөлімінің басшысы Ә.Әсілбек, аудандық қоғамдық кеңестің 2025 жылғы алғашқы отырысында аудандағы кітапханалар мәселесі қаралып жатқандығына ризашылдығын білдірді. Өткен жылдары да қоғамдық кеңестің ықпалымен осы салаға біраз жәрдем тигендігін атап өтті. Сонымен қатар қоғамдық кеңес мүшелері тарапынан қойылған сұрақтарға жауап берді.
     Жиын қорытындысымен шешім қабылданды.

Фото

Previous Next