ҚР Оқу- ағарту минитрлігінң алқа отырысы

Елордасы Астана қаласында ҚР Оқу-ағарту министрлігінің дәстүрлі алқа отырысы ұйымдастырылды. Жиын «Қазіргі білім: сапа және менеджмент, заманауи инфрақұрылым, балалардың қауіпсіздігі, экономика үшін маман даярлау» тақырыбында өтті.

🔹Министр Ғани Бектайұлы Бисембаев 2024 жылғы атқарылған жұмыстардың қорытындысын жасап, 2025 жылға арналған негізгі басымдықтарды атап өтті. Коллегия жұмысы мен министрмен кездесуге қоғамдық кеңес мүшесі Н.Абишева қатысты.

🔹Педагогикалық және ата-аналар қауымдастығының, өңірлік білім басқармалары басшыларының, ведомстволық бағынысты ұйымдардың басшыларының, сарапшылардың және саланың басқа да қызметкерлерінің қатысуымен өткен алқа отырысында білім беру сапасын арттыруға бағытталған бірқатар маңызды тақырыптар қаралды. Атап айтқанда, инновациялар мен тиімді басқару жүйесін дамыту, білімге қолжетімділікті кеңейту, орта білім беру жүйесінде жасанды интеллектті енгізу – заман талабына сай сапалы білім берудің негізгі бағыттары ретінде атап өтілді. Сонымен қатар, мектепке дейінгі білім беруде ваучерлік қаржыландырудың тиімділігі, балалардың сапалы білім алып, қауіпсіз әрі қолайлы ортада дамуына тең мүмкіндік жасау, жас ұрпаққа саналы тәрбие беру және жас педагогтердің кәсіби өсуін қолдау арқылы білім беру жүйесінің әлеуетін арттыру секілді мәселелерге ерекше мән берілді.

🔹 Алқа отырысында талқыланған мәселелер білім беру жүйесін дамытуға жаңа серпін беріп, сапалы әрі қолжетімді білім беруді қамтамасыз ету жолында маңызды шешімдер қабылдауға ықпал етті. Алқа отырысына және Оқу ағарту министрімен кездесуге Ақтөбе облыстық Қоғамдық кеңес мүшесі, филология ғылымының кандидаты Н.Абишева қатысты.

Фото

Previous Next