Сәтбаев қаласы қоғамдық кеңесінің ІV құрамының бірінші отырысы

2025 жылдың 24 ақпанында Қоғамдық кеңестің құрамын қалыптастыру жөніндегі жұмыс тобының басшысы А.Дастановтың төрағалық етуімен Сәтбаев қаласы қоғамдық кеңесінің ІV құрамының бірінші отырысы өтті. Отырысқа қала әкімі М.Бөрібаев және мәслихат төрағасы Қ.Балмағамбетов қатысты.  Қоғамдық кеңес мүшелерінің мәртебесін куәландыратын құжаттар тапсырылғаннан кейін  Кеңестің төрағасы мен оның жұмыс органдары сайланды, Қоғамдық кеңес туралы ереже бекітілді. Бірауыздан қабылданған шешіммен Кеңес төрағасы болып Қ.Смайлов сайланды. Үш комиссия құрылып, олардың төрағалары сайланды: бюджет, экономика және кәсіпкерлік мәселелері жөніндегі комиссия (төрағасы А.Айранбаев); әлеуметтік сала, құқықтық тәртіп және сыбайлас жемқорлыққа қарсы мәселелері жөніндегі комиссия (төрағасы Л.Мыңбаева); коммуналдық сала мәселелері жөніндегі комиссия (төрағасы Қ.Рахметов). Төралқа құрамына кеңес төрағасы, комиссиялардың төрағалары және мемлекеттік органның өкілі Б.Қожахметова кірді.

Фото

Previous Next