Келес ауданы Қоғамдық кеңесінің отырысында маңызды мәселе талқыланды

Келес аудандық Қоғамдық кеңесінің ақпан айындағы жоспарлы отырысында ауданның әлеуметтік-экономикалық дамуы туралы маңызды мәселелер көтерілді. Отырысқа Қоғамдық кеңес төрағасы Е.Абишев  төрағалық етіп, аудан әкімі Ж.Е. Ағыбаев 2024 жылда ауданның даму бағыттары мен атқарылған жұмыстар туралы есеп берді.

Есеп барысында аудан әкімі жаңа мұражай құрылысының осы жылдың көктемінде басталатынын айтты. Бұл жоба аудан тұрғындары үшін маңызды болмақ, өйткені мұражай ауданның мәдени мұрасын сақтау мен дамытуға үлкен мүмкіндік береді. Сонымен қатар, шағын және орта бизнесті дамыту, ауыл тұрғындарының әлеуметтік әлеуетін көтеру, инвестициялық жобаларды іске асыру сияқты өзге де маңызды бағыттар бойынша атқарылған жұмыстар да атап өтілді.

Қоғамдық кеңес төрағасы Е.Абишев пен аудандық мәслихат төрағасы   Н.Шаулиевтің баяндамаларында ауданның әлеуметтік-экономикалық жағдайы мен даму перспективалары туралы қосымша ақпарат берілді. Сонымен қатар, тұрғын үй-коммуналдық шаруашылық, жолаушылар көлігі, автомобиль жолдары, экономика және қаржы бөлімдерінің басшылары өткен жылы атқарылған жұмыстар туралы есеп беріп, тиісті шешімдер қабылданды.

Бұл отырыс ауданның дамуына үлкен серпін беріп, алдағы уақытта да маңызды жобалардың іске асырылуы үшін негіз қаланды.

Фото

Previous Next