МАҚТААРАЛ АУДАНЫНЫҢ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

Кеше, 2025 жылғы 27 ақпан күні аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңес мүшелері, Мақтаарал ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Қ.Иманусенов, Мақтаарал ауданының экономика және қаржы бөлімінің сектор меңгерушісі Ш.Абенов және «Қазсушар» РМК, Түркістан филиалының Мақтаарал өндірістік бөлімшесі басшысының орынбасары А.Мырзабеков пен су пайдалану инженері С.Тогызбаев қатысты.

Күн тәртібіне келесі мәселелер енгізілді:

• «Мақтаарал ауданы бойынша біріңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» Түркістан облысы Мақтаарал ауданы әкімдігінің 2022 жылғы 29 қыркүйектегі №586 қаулысына өзгерістер енгізу туралы Мақтаарал ауданы әкімдігінің қаулы жобасы;
• «Мақтаарал ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі тарапынан 2024 жылы көрсетілген мемлекеттік қызметтер  мен орын алған бұзушылықтар және алдағы уақытта  болдырмау, қызмет алушыларға ақпараттық түсіндіру жұмыстары туралы» Мақтаарал ауданының тұрғын үй - коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі басшысының есебі;
• «Мақтаарал ауданының ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, кенттер, ауылдық округтер әкімдері аппараттарының мемлекеттік қызметшілеріне 2025 жылы көтерме жәрдемақы және тұрғын үй сатып алу немесе салу үшін бюджеттік кредит беру туралы» Мақтаарал аудандық мәслихаты шешімінің жобасы;
• «Аудан аумағындағы ирригациялық-дренаждық жүйелердің, каналдар мен арық-атыздардың, шаруашылықаралық қашыртқылардың, тік дренажды ұңғымалардың жай-күйі мен қысқы сор шаю жұмыстарының барысы туралы» «Қазсушар» РМК, Түркістан филиалының Мақтаарал өндірістік бөлімшесі басшысының есебі.

Күн тәртібіндегі бірінші және екінші мәселе бойынша Мақтаарал ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Қанат Иманусенов баяндама жасады.

Күн тәртібіндегі үшінші мәселе бойынша Мақтаарал ауданының экономика және қаржы бөлімінің сектор меңгерушісі Абенов Шалхар баяндама жасады.

Күн тәртібіндегі соңғы мәселе бойынша «Қазсушар» РМК, Түркістан филиалының Мақтаарал өндірістік бөлімшесі басшысының орынбасары Мырзабеков Аликурман Оналбекович пен су пайдалану инженері Тогызбаев Серик Сансызбаевич баяндама жасады.

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next