Ақтөбе облыстық Қоғамдық кеңесінің жаңа құрамы

Қазақстан Республикасының «Қоғамдық кеңестер туралы» Заңына сәйкес, Қоғамдық кеңестің құрамы конкурс негізінде Жұмыс тобы арқылы қалыптастырылады. 2025 жылғы 27 қаңтардағы №8 Ақтөбе облыстық мәслихаты төрағасының өкімімен Ақтөбе облысы Қоғамдық кеңесін қалыптастыру жөніндегі Жұмыс тобы құрылды, оған азаматтық қоғам тарапынан 5 коммерциялық емес ұйымдардың өкілі және мемлекеттік органдардан 2 өкіл енгізілді. 

Жұмыс тобы коммерциялық емес ұйымдар мен азаматтар үшін «Ақтөбе» және «Актюбинский вестник» газеттерінде, сондай-ақ облыстық мәслихаттың веб-сайтында конкурс өткізілетіні туралы хабарландыру жариялады. 2025 жылғы 28 қаңтар мен 10 ақпан аралығында, яғни 10 жұмыс күні ішінде, Жұмыс тобы Қоғамдық кеңестің құрамына кандидаттардан құжаттарды қабылдады. Жұмыс тобына Ақтөбе облысы Қоғамдық кеңесінің құрамына кандидаттардан 69 ұсыныс түсті, оның ішінде 25 ұсыныс коммерциялық емес ұйымдардан және 44 ұсыныс өзін-өзі ұсынушылардан.

Конкурс қорытындысы бойынша Ақтөбе облысының Қоғамдық кеңесі 28 мүшеден тұрады, оның ішінде 25 азаматтық қоғам өкілдері және 3 мемлекеттік органдардың өкілдерінен жаңа құрамы жасақталды.

Фото

Previous Next