Төралқа отырысы туралы

---

Облыстық қоғамдық кеңестің төралқасы облыс полиция департаменті және Павлодар облысы бойынша қылмыстық-атқару жүйесі департаменті басшыларының заңдылықты қамтамасыз ету және адам мен азаматтың құқықтары мен бостандықтарын сақтау мәселелері жөніндегі есебін тыңдады. Қоғамдық кеңес мүшелері өздерін толғандырған сұрақтарын қойып, сындарлы ұсыныстар енгізді. Осы отырыста сондай-ақ Ұлттық жобаларды іске асыру шеңберінде жұмыс орындарын құрудың нысаналы индикаторларына қол жеткізу бойынша облыстың 11 басқармасының есептері тыңдалды. Қоғамдық кеңес атап өткендей, жауапты мемлекеттік органдар Ұлттық жобалардың іске асырылуына күнделікті бақылауды қамтамасыз етіп, мердігерлермен жаңа жұмыс орындарын құру бойынша жұмыс жүргізуі тиіс. Қаралған мәселелердің қорытындысы бойынша қоғамдық кеңес департаменттерге, облыстың жауапты басқармаларына, қалалар мен аудандар әкімдіктеріне ұсынымдар берді.