ҚОҒАМДЫҚ МОНИТОРИНГ ТЕМІР АУДАНЫНДА

Су тасқынына қарсы дайындықты пысықтау мақсатында облыстың қоғамдық кеңесі мүшелерінің кезекті іссапары Темір ауданында жалғасты.

Су басу қаупі басым аймақтардың бірі — Темір ауданының орталығы Шұбарқұдық кентін облыстық қоғамдық кеңес мүшелері Ж.Жасақбаева, Е.Уббиниязов су тасқынына қарсы аудан әкімдігі жанынан құрылған арнайы штаб мүшелерімен тілдесіп, қазіргі таңда аймақтың ахуалымен танысты.
Естеріңізде болса, өткен жылы ағын судан бұзылған қорғаныс бөгеттері қалпына келтіріліп басталған болатын. Қазіргі таңда 7 қорғаныс бөгеттерінің құрылысы мен еріген қарғын суды бұру жұмыстары жүргізілгендігін айтып, облыстың жұмыс тобы аудан әкімі А.Жақсылықовпен
аудан орталығындағы су басу қаупі басым көшелерді шолып өтті. Қазіргі таңда аудан орталығындағы су басу қаупі басым көшелерден 16200 куб қар шығарылған, әрі қар шығару жұмыстары қарқынды жүргізілуде. Бұдан бөлек, Саркөлден 1000 куб, Кеңқияқтан 500 куб қар шығарылып, аудан әкімі көктемгі су тасқынына қарсы дайындық барысын баяндап, қауіпсіз өткізу және ықтимал шығындарды азайту бойынша іс-шаралар жоспары бекітілгенін, әрі тәулік бойы жеке бақылауында екенін жеткізді. Штаб мүшелері су тасқынына қарсы арналған құрылғылармен таныстырып, негізгі мәселелердің бірі аудан орталығы мен округтерде су тасқынына қарсы жұмылдырылатын техникалардың санын және апатты-құтқару жұмыстарын жүргізу үшін күш-құралдардың топтамасын баяндап, өзара ұсыныстар айтылып, пікір алмасты.

Фото

Previous Next