Қобда ауданында қоғамдық кеңес отырысы өтті

Бүгін Қобда ауданында аудандық қоғамдық кеңес отырысы өтті.Маңызды шара барысында кеңестің жаңа құрамы таныстырылып, жаңа төраға сайланды. Сонымен қатар, кеңестің жылдық жұмыс жоспары да таныстырылып, талқыланды.

Отырыста ауданның әртүрлі салаларының өкілдерінен құралған жаңа құрам  ауданның әлеуметтік, экономикалық және мәдени мәселелерін талқылап, жаңа жоспарды бекітті. Кеңес мүшелері өз ойларын ортаға салып, алдағы уақыттағы жұмыстың бағыттары мен мақсаттары туралы пікір алмасты. 

Жылдық жоспардың басты мақсаттары қатарында тұрғындармен тығыз қарым-қатынас орнату, қоғамдық ұйымдармен ынтымақтастықты нығайту, және ауданның әлеуметтік дамуын қамтамасыз ету мәселелері тұр. Кеңес төрағасы өз сөзінде, қоғамда өзгерістер мен жаңалықтарды енгізу үшін барлық күш-жігерді жұмсауға дайын екендігін атап өтті.

Фото

Previous Next